كتبت: أمل سعداوي
هاجمت هند ابنة الفنان الراحل سعيد صلاح، الفنان محمد رمضان، بعد احتضانه لأشهر مطرب في إسرائيل «عومير آدام» وانتشار الصور المسربة له على جميع وسائل التواصل الاجتماعي.
وكتبت هند سعيد صالح، عبر حسابها الشخصي على موقع «فيس بوك»: «أنا بصراحة من أول امبارح بحاول أمسك نفسي خصوصاً إني بقالي شهور مابدخلش في أي تريندات ومهاترات فيس بوك».
وأضافت هند: «كويس إن بابا مات طبيعي وإلا كان مات مقهور على نفسه إنه اكتشفك .. لأنه كان طالع بيك السما وفرحان إن مصر فيها مواهب حلوة وهو اللي بيقدمها بنفسه .. إيه العك ده؟ ».
وتابعت: «ده الواحد لما بيلمح سايح منهم في دهب ولا شرم الشيخ ويميزه من الطاسة اللي على دماغه دى كان جسمه بيتنفض .. هاڤا ناجيلا إيه اللي بترقص عليها ؟ جاك 60 هاڤا ناجيلا على دماغك يا بعيد».
نرشح لك: محمد رمضان ينشر صورة العلم الفلسطيني بعد قرار محاكمته بسبب احتضانه إسرائيلي
تعليقات رواد السوشيال ميديا
جاءت تعليقات رواد مواقع التواصل الاجتماعي، على ما كتبته هند، وعلق أحدهم: «قالك انا غلبان وبريء ماكنتش اعرف إنه اسرائيلي .. متصور مع أكبر مغني إسرائيلي وأكبر رجل اعمال عندهم ويقولك معرفش وعامل شكله اتفاجئ».
وأضاف: «مايعرفش إنها حفلة خاصة بإسرائيل .. والأغنية إسرائيلية .. أنا باترعب من الأغنيه دي من أيام أفلام ناديه الجندي، بس موضوع وهايعدي .. أشرف ذكي مجهز الرد وقالك اكيد صوره مفبركه وهو قالك معرفهمش يعني خلصت».
وعلق آخر: «ده الفرق بين الفنان النضيف ابن الناس فعلا وبين الرمم اللي بنشوفهم على الساحه اليومين دول»، فيما علق اخر: “انا زمان اول ما طلع كنت بحبه اوى كان غلبان و طيب و بعدين بدأ يعمل حاجات كدة خلتنى بصراحة بدأت محبوش بالتدريج لحد الحركة دى و خلاص انا كرهته تماما”.
