رئيسىعالم الفن

الفنانة رحمة أحمد تتصدر التريند بسبب «الكبير أوي 6»

  كتبت: أمل سعداوي

تصدرت الفنانة الشابة رحمة أحمد، تريند «جوجل» بسبب أحداث مسلسل الكبير أوي الجزء السادس، التي لاقت رواجًا كبيرًا بسبب الكوميديا التي تشهدها الحلقات.

وأعربت الفنانة رحمة أحمد، عن سعادتها من ردود الفعل الإيجابية بعد ظهورها في مسلسل الكبير أوى 6. موجهة الشكر لكل من ساعدها وهم النجم أحمد مكى و الفنان أحمد أمين والمخرج أحمد الجندى.

وكتبت «رحمة»، عبر حسابها الشخصي على «فيس بوك»:« أنا مش عارفة اعبر أن إحساسي بالامتنان الحمدلله والشكر لله اي حاجة حلوة حصلتأ او اتقالت ليا ده كرم كبير أوي من ربنا يمكن أكبر من اللي استحقه عاوزة اقول ٣ نقط».

وأضافت:« الأولى وهفضل اقول البوقين دول كل ما حد يشاور النقطة دي أن فنانة زي دنيا سمير غانم لا تقارن بحد أنا مش حد خالص أنا من فانز دنيا سمير غانم..لان لو اتحطينا في مقارنة من المؤكد إني أنا اللي هبقى خسرانة».

وتابعت:« الثانية بعد توفيق ربنا أن فنان زي أحمد مكي يدي مساحة لحد يقول حاجة مبتحصلش من أي فنان موجود على الساحة الراجل ده عنده اللي يكفيه وزيادة انه يسيب فنان قدامه يقول وهو سايب ايده.. مهما اتكلمت عنه مش هوفيه حقه فنيا ولا إنسانيا».

تابعت الفنانة:«المبدع احمد الجندي ميتخيرش عنه… يسيبك تقول..ويعليك..ويركبلك شغل ..وذكي يعرف يطلع ضحك من اي شخصية ويحطها في مكانها الصح».

استكملت حديثها:« الثالثة ليك انت يا حبيب قلبي..اخويا الكبير الداعم المستمر بكل الطرق…صادق في فرحته ..انا مهما حكيت على عملته معايا عشان اوصل اني ابقا في عمل من اهم الاعمال في رمضان مش هكفي فيك كلام….شكرا أحمد أمين الاخ والفنان والانسان انك دايما جنبي».

واختتمت حديثها، قائلة:« أحمد أمين و أحمد مكي و أحمد الجندي انتو مكسب لاي فنان ولاي شخص وبشكر ربنا دايما ان ربنا كتبلي اني اعرفكوا وشكرا لاي حد دعمني حتي لو بكلمة كويسة وبالأخص صلاح الدالي فنان هياخد حقه كويس جدا ويستأهل اكتر».

اترك رد

زر الذهاب إلى الأعلى
البنك الأهلى المصرى
البنك الأهلى المصرى