الأخباررئيسىعالم الفن

بالفيديو.. حسن شاكوش لمنتقديه: «انتم مستكترين عليا اللي أنا فيه»

كتبت: أمل سعداوي

نشر المطرب الشعبي حسن شاكوش ، على حسابه الرسمي على موقع «انستجرام» فيديو وجه فيه رسالة لاذعة لمنتقدية، بعد سلسلة الانتقادات التي تلقاها المطرب خلال الأيام الماضية، قائلًا: “انتوا مستكترين عليا اللى أنا فيه”.

وأضاف شاكوش خلال رسالته المصورة بالفيديو: “هو أنت تعرف أنا تعبت قد اي ،اتحرمت من اي، كل واحد عالم بظروف نفسه، محدش عالم بظروف الناس، لكل شاب اتخرج من الجامعة اتعب علشان تعرف تنجح ،والا هتستنى اهلك يصرفوا عليك وانت كبير كدا، انتوا متعرفوش الضغط اللى احنا فيه، احنا مش بنام علشان نعرف نسعد كل الناس اللى بتبعنا”.

وتابع شاكوش: “انا ابن ناس، انا كنت لاعب كورة في الإسماعيلية والداخلية وغيرها من الأندية، انا تعبت كدا علشان اعرف اصرف على نفسي”.

تعليق رواد السوشيال ميديا على حسن شاكوش

جاءت بعض تعليقات رواد مواقع التواصل الاجتماعي على هذا الفيديو حيث قال أحدهم “يا حبيبي دا حقد وحسد وانت في يوم قولتلي ملكش دعوة بحد كمل ،وانا بقولك كمل وربنا معاك وهتنجح أكثر واكثر ربنا يوفقك ويكرمك يا اخويا “.

وعلق اخر بقوله “حسبي الله ونعم الوكيل فيكم انتوا مفيش في قلبكم رحمة دا تعبه وحياته وشقاه من حقه يتمتع بيه سبيو الخلق، دا ربنا هيحسبكم على كل كلمة بتجرحوا بيها حد اتقوا الله بقا، مستكترين عليه النعمة ..على فكرة انتوا كدا بتقللوا من ابن بلدكم “.

وتصدرت أغنية شاكوش الجديدة  «انت بسكوتاية مقرمشة» ترند «يوتيوب» بعد 24 ساعة من طرحها وذلك بمشاركة الراقصة الاستعراضية جوهرة، والمهرجات من إخراج أحمد أشرف ومن كلمات مصطفى حدوتة، والحان نادر ذكي، وتوزيع إسلام ساسو .

اقرأ أيضًا.. مهرجان «انتي بسكوتاية مقرمشة» لحسن شاكوش يسجل 3 ملايين مشاهدة في 3 أيام

الوسوم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
البنك الأهلى المصرى
البنك الأهلى المصرى
إغلاق