بالفيديو.. شريف منير للمتنمرين على ابنتيه: “هاخد حقي بالقانون”

دنيا عبدالله2020/06/14 . 3:20 مساءً

1٬157

كتبت: دنيا عبدالله

تداول عدد من رواد مواقع التواصل الاجتماعي فيديو نشره الفنان شريف منير ، عبر حسابه الرسمي على موقع تبادل الفيديوهات والصور «انستجرام» يجمعه بابنتيه بعد تعرضهم لواقعة تنمر بعض الأشخاص عليهم بعد عرض صور لهم.

قال شريف منير خلال الفيديو: “مساء الخير دول المذنبين، دول المتهمين، اللي عملو المصيبة، اللي بوظو البشرية، اللي اذو الناس، اللي اذو الدين، لان الناس اللي شتموني بيكلموني بالدين، هما دول اللي اذوا الدنيا كلها البنتين الكبار اوي.

واضاف الفنان “بشكر كل الناس اللي وقفت جنبي، وبشكر كل الناس اللي دعمتني، ودعمت فريدة وكاميليا، وانا بشكركم على احساسكم وشعوركم”.

واستكمل منير:”اللي طالبه منكم النهاردة لازم يكون في وقفة قوية، لازم كلنا نبقى ايد واحدة، اي حد يتجاوز حدوده بلفظ خارج ماتسكتوش، اعملو بلاغ، الاهتمام غير طبيعي من قبل النيابة، والناس فارق معاها الموضوع جدا، وعايزين يساعدوا”.

https://twitter.com/i/status/1271878968585715712

نجوم الفن يدعمون شريف منير وبناته ضد التنمر

دعمت النجمة حلا شيحة شريف وبناته في أزمتهم بعد حملة التنمر التي تعرضا لها، وكتبت حلا شيحة تعليقا علي فيديو شريف منير مع بناته عبر حسابه بموقع “انستجرام”: “أنا بضم صوتي لصوتك يا شريف لأن من يوم رجوعي للفن الناس بتتنمر بس وأنا هعمل زيك وأنا متضامنة معاك”.

وعلق الفنان والمؤلف عمرو محمود ياسين على فيديو شريف منير، عبر حسابه على الفيس بوك، وقال:”يعني معنديش كتير اقوله غير ان شريف منير فنان محترم عنده اسرة محترمه، ربنا يبارك فيهم، وعنده حق الناس لازم تتعامل بأدب مع بعض مش معقول البلطجه والتنمر اللي بيحصل ده”.

أعلنت الفنانة نسرين أمين، دعمها للفنان شريف منير، ونشرت نسرين صورة لأسرة الفنان شريف منير، عبر حسابها الرسمي بموقع “تويتر”، وعلقت: “ادعم استاذ شريف منير ضد التعليقات المريضة والسخيفة والمتنمرة والمتعصبة على مواقع التواصل الإجتماعي”.

وكتبت الفنانة كندة علوش: “معاك يا شريف برافو على الخطوة العظيمة”، وكتب الفنان أحمد زاهر:” برافوووووو عليك يا استاذ كلنا معاك وهانعمل زيك بالضبط لحد ما الملايكة الطاهرين يتلموا ”