حوادث وقضايارئيسىملفات وتقاريرمنوعات

بالفيديو والصور.. حكاية «العروسة الحامل» التي أشعلت السوشيال ميديا

كتبت: دنيا عبدالله

انتشر خلال الساعات الماضية، على مواقع التواصل الإجتماعي، مقطع فيديو وصور، لعروسة تظهر عليها علامات الحمل عرف بـ«العروسة الحامل» ، أثناء احتفالها بعقد قرانها وزفافها.

حكاية العروسة الحامل

أثار الفيديو والصور، ضجة كبيرة على السوشيال ميديا، وتعددت التعليقات والسخرية وبعضها خرجت عن حدود الأدب، واختلفت التعليقات حول حقيقة العروس الحامل.

تعليقات رواد السوشيال ميديا على الفيديو

قال حساب يحمل اسم مصطفى حسني: “يا عم عاملين حفلة اللي هىّ بيشوفوا فيها البيبي ولد ولا بنت”، ليرد صاحب حساب آخر: “مش ملاحظ إنها حامل”.

فيما سخر حساب آخر قائلا: “إيه دا.. كريستينا حامل”، ليرد آخر: “مش عارف في إيه والناس عايزة تركب التريند وخلاص”.

كتب حساب اخر يحمل اسم “حسن فريد”، “يا جدعان ده مش فرح ده جاري ومتجوزين هو ومراته بقالهم سنة بلاش حد يغلط من غير ما نفهم الله يرضى عليكوا”.

كما قال “عمرو الحسيني”، “ده اتجوز برا بلده، ولما رجع هو ومراته عمل لأهله وأصحابه فرح عادي يا جماعة بلاش سوء الظن”فيما قالت اخرى “دول أكيد عملوا فرح قبل كده وبيحتفلوا بعيد جوازهم نصفي النية”.

أضاف متابع آخر، “دول أكيد اتجوزوا في فترة الحظر وكان العريس واعد العروسة هيعملوا فرح ولما الحظر يتفك، وحاليًّا القاعات رخيصة حظها كدا العروسة”.

حقيقة الفيديو المتداول على السوشيال ميديا

نشر محمد حاتم، أحد أصدقاء العريس منشورًا على «فيسبوك» قال فيه: “توضيح لكل الـ شافوا الفيديو أو الصور ومستغربين.. دي كانت حفلة بيبي شاور احتفال بالمولود الجديد ومعرفة نوعه”، مضيفًا: “ربنا يسعدكم يا صحبي والحمل يكمل على خير والبنوتة تتربى في عزك”.

أول تعليق من صاحب الفيديو المتداول

كشف صاحب الفيديو ويدعى مجدى محمود، حقيقة الصور التى تعود إلى حفل للكشف عن نوع الجنين، موضحا أنه وقع ضحية الشير والنسخ على صفحات فيس بوك دون تدقيق.

علق مجدى على العديد من المنشورات التي تكهنت حول أن الحفل لزفاف عروس حامل، حيث قال: “الشهرة حلوة ونفسنا نبقي مشاهير بس بالحاجة اللي بنعملها والمحتوي اللي بنقدمه مش بقلة الأدب والخوض في الأعراض”.

واستنكر قائلاً: “أنا لحد دلوقتي مش فاهم أول واحد واخد أسكرين من فيديو أنا رافعه وواضح فيه جدا إحنا بنعمل أيه وأن دي حفلة بنعرف أصحابنا والناس اللي متابعنا فيها نوع الجنين، ويحرف الكلام ويألف قصة على مزاجه لمجرد أنها هتجيب لايكات”.

تابع، الكثير يقوم بعمل الشير للبوست دون معرفة الحقيقة مما يكون له تأثير سلبي على الأسر، قائلاً: “أكتر من القصة الحقيقية بيقول لنفسه إيه، والناس اللي ذي البغبان بياخدو كوبي ويشيرو من غير ما حتي يعقلوا الكلام أو يفكروا لمدة دقيقة مع نفسهم بجد أنتوا إيه؟”.

أضاف: “يا جماعة أنتوا ممكن تخربوا بيوت وتخلو ناس تنتحر وتعقدوا ناس في عيشتها ربنا يهديكم أي حد يشوف بوست من اللي بيتريقوا علينا يحط البوست دا في عينه، شيرو البوست دا عشان الناس اللي مبتفهمش تفهم ومحدش يقولي أنت اللي متنزلش صورك أنا بنزل صوري أنا مش صور حد تاني بالوضع واللبس اللي على مزاجي واللي عمره ما كان فيه أي ضرر أو إساءة لحد، الصورة من حفلة عملناها بعد سنتين جواز”.

وقام العريس بإنشاء جلسة تصويرية لزوجته في قاعة الإحتفال من أجل مشاركه تلك اللحظات قبل أيام من ولادتها، وقال الزوج: “أنا بشكر كل الناس اللي جت تفرح معانا اليوم في السنه الثانية لزواجنا وبنحتفل بقدوم أول مولود لنا خلال ايام “.

اقرأ أيضًا.. شاهد بالفيديو.. أب يجرد «طفلته الصغيرة» من ملابسها في أحد الشوارع

الوسوم

اترك رد

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى
البنك الأهلى المصرى
البنك الأهلى المصرى
إغلاق