الأخباررئيسىعالم الفنمنوعات

بعد حديثهما عن مرض ابنهما.. مها أحمد ومجدي كامل يتصدران ترند «جوجل»

كتبت: أمل سعداوي

تصدرت الفنانة مها أحمد وزوجها الفنان مجدي كامل ، ترند «جوجل» بعد حديثهما عن مرض ابنهما عادل، ونشره صورة له عبر حسابه الخاص على موقع «انستجرام».

وقالت الفنانة مها أحمد، خلال لقائها مع الإعلامي وائل الإبراشي في برنامج «التاسعة»، إنها فؤجيت بكلام ابنها.

وأشارت مها أحمد، إلى أن ابنها يعاني من حالة مرضية لا نعرف علاج لها.

وأوضحت مها، أنها عاشت هي وأسرتها أزمات متتالية خلال الفترة الماضية والذي أثر على ابنها بالسلب .

وكتب عادل كامل على الصورة معلقًا: “أنا بكتب الكلام دا وانا ايدي بتترعش، وفعلا تعبان ومش قادر ومش عارف انا عندي ايه ومش عايزة اتكلم مع حد”.

View this post on Instagram

انا بكتب الكلام ده و انا ايدي بتترعش و فعلا تعبان و مش قادر و مش عارف انا عندي ايه و مش عارف اتكلم مع حد علشان مش عايز اخلي حد يشيل همي ، بس انا هكتب الكلام اللي عايز اكتبه ده علشان انا مش عارف اللي جاي ايه ولا هيحصل ايه ، انا حياتي بايظه بقالها اربع شهور من يوم ١٥-٦ لحد انهارده ١٥-١٠ ، الاربع شهور دول اوحش اربع شهور عدوا عليا في حياتي من يوم ما جيت الدنيا علشان حصلي فيهم حاجات وجعتني و تعبتني و أثرت علي نفسيتي ، أولهم كان اول حب في حياتي عاش لمدة سنه و نص و كان نهايته يوم ١٥-٦ ، بعدها كان وفاة حفناوي صاحبي و اخويا يمكن مكناش قريبين من بعض بس مجرد مبنتكلم مع بعض او بنشوف بعض بيبقي اكننا نعرف بعض من الحضانه و كان في ذكريات حلوه اووي لينا مع بعض ، بعدها امي كانت هتموت في حدثة عربية و الحمد الله ربنا سترها و عدت علي خير ، بعدها البيت بتاعنا لما غرق كله و لحد دلوقتي منعرفش غرق ازاي ولا ايه اللي حصل بس الحمد الله علي كل شئ و لحد دلوقتي البيت لسه بايظ ، و اخرهم بقي و ده لسه من ٣ ايام اني تعبت جدا فجأه و تعبت تعب مش عادي و مش عارف انا عندي ايه ولا الدكاتره عارفين انا عندي ايه ، خت جميع الادويه و خت حقن و بنام كويس و باكل كويس و بعمل كل حاجه و برضه مفيش اي تحسن ، انا بكتب الكلام ده دلوقتي و انا مش حابب كده خالص ولا كنت عايز اعمل كده بس عملت كده و كتبت كده و هنزله علشان انا بجد خايف من اللي جاي و مش عارف ايه اللي ممكن يحصل ، فعلشان لو حصل حاجه اكون كتبت كل اللي جوايه و اكون ارتحت اني عملت كده و علشان برضه تكونوا عارفين ان الضحك و الهزار و الخروج و الاستوريز مش دي الحياه الحقيقيه ، الحياه الحقيقيه هي اللي انا حكاتها دلوقتي ، محدش يعرف انت حياتك عامله ازاي ولا ايه اللي بيحصل فيها ولا جواك ايه كله شايفك في صور و فيديوهات مش حقيقيه ، المهم ربنا يستر في اللي جاي و يعدي علي خير ان شاء الله علشان المره دي انا بجد حسات بالموت ، فلو عدت علي خير حيات الواحد هتتغير تماماً في كل حاجه حته في الصور و الفيديوهات ، اسف اني طولت عليكوا ، يارب انت الشافي المعافي

A post shared by adelmagdiikamel (@adelmagdiikamel) on

تعليق رواد السوشيال ميديا

وجاء بعض التعليقات رواد السوشيال ميديا على هذه الصورة حيث قال أحدهم “الف مليون سلامة عليك يا عادل ربنا يشفيك وبعافيك ويخليك ويبعد عنك كل شر “.

وعلق اخر “سيبها لربنا كل واحد فينا ربنا بيقفلها في وشه سوية وبيوجعها علشان يخليه يقرب منه،لان كلنا طول ما الحاجة تمام بنبعد عن ربنا، صلي وفضفض مع ربنا واقرا البقرة، لأن حقيقة وعن تجربة بتعب ارتحت ، ومتخفش كول ما انت مع ربنا، ربنا هيريح قلبك وهيطمئنك”.

اقرأ أيضًا.. «جوجل» يحتفي بمرور 110 عامًا على ميلاد فريد الأطرش

الوسوم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
البنك الأهلى المصرى
البنك الأهلى المصرى
إغلاق