عالم الفنمنوعات

بعد عرض أولى حلقات قصته الرابعة.. مسلسل«إلا أنا» يتصدر تريند «جوجل» مجددًا

كتبت: فاطمة عماد

تصدر مسلسل «إلا أنا»، تريند «جوجل»، خلال الساعات الماضية، بعد عرض أولى حلقات قصته الرابعة من الموسم الثاني . ويناقش العمل حضانة الأم لأطفالها بعد انفصالها عن الأب، وما ينتج عن ذلك من مشكلات بعد أن تنتهي فترة الحضانة.

ويرصد لكم موقع «عالم البيزنس»، فى هذا التقرير، تفاصيل الحكاية الرابعة لمسلسل «إلا أنا»، كالتالي:

تفاصيل المسلسل

«إلا أنا»، مسلسل درامي مستوحي من قصص حياتيةتصف معاناة المرأة في المجتمع المصري، فتناول مشكلة هامة وهي موضوع حضانة الأم لأطفالها بعد انفصالها عن الأب، و مدي تعرض المرأة وأبنائها لعدد من المخاطر المجتمعية.

والمسلسل، تأليف أمانى التونسى، وإخراج أحمد شفيق، وبطولة نرمين الفقى، صبرى فواز، جيهان خليل، محمود ياسين جونيور، وهايدى رفعت، وعدد آخر من الفنانين الشباب.

تعليق الجمهور

علقت هدير محمود، بعد مشاهدتها العرض الأول للمسلسل : «انا دايما عندي مبدأ إن لازم الست تفضل تشتغل بعد جوازها وإنها لو مش قادره تشتغل فلازم يكون عندها مصدر دخل خاص بيها من أي برايفت بيزنس لوحدها مش لجوزها ومش لعيالها فلوسها هي وبس شايلاها للزمن».

بينما أوضحت أية رفعت: « مسلسل إلا أنا على الهامش (علي الهامش ) !علمني إن لو اتجوزت هخبي الدهب بتاعي عند أمي من أول يوم، وبالنسبة للصيني بقى هسربلها حاجة حاجة. آه أصل الواحد مبقاش يضمن معلش، أما بقي بالنسبه لصحابي هقطع علاقتي بيهم أول ماتخطب. أنا دلوقتي عرفت صحابنا اللي بيتخطبوا بيمسحوا أرقامنا ليه». مازحةً: «هتصاحب على سواق علشان يوديني ف كل حته لما اطرد من البيت».

كما أضافت صفاء ابو الماجد : «حصلت معايا وكله راح، صاحبة العمر وحب العمر، حسبي الله ونعم الوكيل. وعمر ما حد هيفهم وجع خيانه الصاحب إلا إلى حسه».

وذكرت سلوى محمود: «إن الموقف ده بيدل على إن أوعى تدي أمان لأي حد حرص ولا تخون مش أي كلام متزوق وحلو بيتقالك تصدقه على طول وتآمن لصاحبه. وتقول بيحبنى وزى أخويا أو أختى وبيخاف عليا. ياما ناس كتير بيطلع منها كلام حلو بس قلوبها سودا أوى من جوا ومبتحبش الخير لغيرها، وبتتمنى تاخد اللى ف إيد غيرها كمان. ودول اللى قال عنهم ربنا «ومنَ الناس من يعجبك قوله في الحياةِ الدُّنْيَا وَيُشْهِدُ اللَّهَ عَلَىٰ مَا فِي قَلْبِهِ وَهُوَ أَلَدُّ الْخِصَامِ».

أما كنزي اسلام تقول: بعد كل السنين دي.. خرجت من بيتها مطرودة ومحرومة من كل حقوقها عشان ملهاش ضهر ولا سند.

الجدير بالذكر، أن مسلسل« إلا أنا على الهامش»، يُعرض يوميًا الساعة الثامنة مساءً من السبت إلى الأربعاء على قناة dmc.

نرشح لك: مسلسل كوفيد 25 تعرف على أبطال المسلسل وأحداثه الشيقة

اترك رد

زر الذهاب إلى الأعلى
البنك الأهلى المصرى
البنك الأهلى المصرى