عالم الفنملفات وتقارير

زيزي عادل نجمة «ستار أكاديمي» السابقة تُعلن اعتزالها الغناء

كتبت: تقى أيمن

تصدرت الفنانة زيزي عادل نجمة «ستار أكاديمي» السابقة تريند «جوجل» خلال الساعات الماضية، بعدما أعلنت عن اعتزال الغناء، وارتدائها الحجاب.

ونشرت زيزي عادل فيديو عبر حسابها على موقع «إنستجرام»، قالت خلاله: «أنا النهاردة طالعة أقول خبر مهم أخدته في حياتي وهو قرار اعتزالي الغناء.. والقرار أنا مخدتهوش امبارح أنا وخداه من فترة كبيرة جدا، بس يمكن مطلعتش قلت وقتها لأني كنت حابة أتكلم مع نفسي ومع الناس القريبة أوي».

وتابعت «عادل»: «أنا ببعد عن الفن عشان بقرب من ربنا، والفترة اللي فاتت قربت من ربنا جدا، ولقيت ان القرآن بيقولي إني لازم أكون ست ملتزمة، وبحاول على قد ما بقدر أكون ملتزمة وهتستغربوا شوية اني طالعة بشعرى ومش محجبة، ويمكن ده لأني لسه ربنا لم ينعم عليا بالحجاب، وبدعب ربنا يتممها عليا، وكل حاجة بتيجي خطوة خطوة».

وأشارت: «أنا عاوزة أقول كمان الفن هو مصدر دخلي ورزقي، وأنا بسيب حاجة بعيش منها وسيبتها وعارفة إن ربنا هيرزقني، وأنا راضية جدا عن قراري ومبسوطة جدا بيه وحابة اللى جاي جدا وحاسة إن حياتى اختلفت تماما».

تابعت: «أنا مش عاوزة أدخل في حتة إن الفن حلال او حرام، عشان مبقاش طالعة إني داعية أنا طالعة بتكلم عن نفسي، وإنى بطلت أغنى ودينى بيقولى كده وكل واحد حر في حياته».

واختتمت حديثها: «أنا حابة أموت وربنا راضي عنى ويمكن دي حاجة كلنا بنتمناها، فأنا مش عارفة هاموت امتى ولكن كل اللي عوزاه أكون مستعدة لمقابلة ربنا وأقابله وأنا راضية عن نفسي وحياتي وأفعالي، والحمد لله ربنا كرمني والتزمت، وربنا يكرم التزم اكتر وادعولي ان ربنا يثبتني على اللى انا فيه».

ويأتي اعتزال زيزي عادل، بعد مسيرة فنية متقطعة، عرفت خلالها شهرة سريعةً مع انطلاقتها من خلال ثاني مواسم برنامج المواهب الغنائي اللبناني الشهير «ستار أكاديمي»، في العام 2004. وبعد إصدار ألبومين، ابتعدت عن الساحة قرابة الـ6 سنوات، لأسباب قيل إنها عائلية، ثم عادت بألبومٍ ثالث، وأصدرت ألبومًا دينياً بعنوان «سيبها على الله»، قبل أيام من إعلان اعتزالها.

إقرأ أيضاً.. الفنانة رغدة تتصدر تريند «جوجل» بعد أنباء عن اعتزالها الفن وارتداء الحجاب

اترك رد

زر الذهاب إلى الأعلى
البنك الأهلى المصرى
البنك الأهلى المصرى