أبرز تصريحات الرئيس السيسي خلال إطلاق الإستراتيجية الوطنية لحقوق الإنسان اليوم
كتبت: أمل سعداوي
شهد الرئيس عبد الفتاح السيسي صباح اليوم السبت، إطلاق الإستراتيجية الوطنية لحقوق الإنسان وبذلك بمقر العاصمة الإدارية الجديدة.
أبرز تصريحات الرئيس السيسي اليوم
في البداية وجه الرئيس الشكر للحضور قائلاً:”بوجه لكم الشكر وأقدر كل ما تم طرحه سواء من جانب الحكومة وأعضائها أو من جانب باقي الضيوف الموجودين”، مؤكدًا أن الاستراتيجية الوطنية لحقوق الإنسان بنيت على منهجية تشاورية وتشاركية لتحقيق آمال الشعب المصري.
وعن التحديات التي واجهت البلاد عقب ثورة 2011، قال السيسي:”أنا أقدر أستشهد باتنين كانوا موجودين في أول لقاء بعد أحداث 2011، الأستاذ شريف عامر والأستاذ إبراهيم عيسى والتقينا مع بعض وقولت إن الدولة المصرية لديها تحديات كثيرة تحدي اقتصادي وتحدي سياسي وتحدي اجتماعي وتحدي ثقافي وتحدي ديني وتحدي إعلامي”.
تابع:”الكلام متغيرش وكان المعني اللي أنا عايز أرصده هنا مقولتش عيش حرية عدالة اجتماعية ساعتها أنا قولت إن أحنا الثورة كانت إعلان .. وأنا بقولها دلوقتي بعد الدنيا ما عدت واتغيرت كانت في تقديري أنا شهادة وفاة لدولة، إن 2011 كان إعلان لشهادة وفاة الدولة المصرية”.
حرية الاعتقاد
وعن قضية تجديد الخطاب الديني وحرية الاعتقاد، أوضح الرئيس:” اتكلمتوا عن الخطاب الديني، هو أنا لما قولت على موضوع توثيق الطلاق، هو أنا نشفت دماغي مع المؤسسة الدينية اللي رافضة ده؟ لأ، أنا تركت الموضوع يتفاعل مع المجتمع ومع المؤسسة ومتصطدمتش معاها مش عشان رفض الصدام في حد ذاته، ولكن عشان احترامًا لمنطق الزمن وتغيير الناس”.
استكمل الرئيس حديثه:”مش بسهولة أبدا أننا نعمل ممارسات، في فكرة احترام الآخر والاعتقاد أو عدم الاعتقاد، لو واحد قالي أنا مش مسلم ولا مسيحي ولا يهودي ولا أي دين في الدنيا.. أنت حر، ده أنا إكمني غيور على ديني بحترم إرادته، لأن الأصل في الموضوع هي الحرية، حرية المعتقد اللي ربنا كفلها لينا، قالك إنت حر تؤمن أو لا تؤمن، وده كلام قولناه كتير، لكن المجتمع على مدى 90 أو 100 سنة بيتمّ صبغه بطريقة محددة”.
الزيادة السكانية
وعن الزيادة السكانية، فقال الرئيس:”اللي انتوا بتشوفوه من قضايا كثيرة جدا أقدر أوفر مش أنا أي حد في الدنيا لمليون إنسان بينزلوا سوق العمل سنويا، مين ده اللي يقدر يعمل كدة ؟ مين دة اللي يقدر يعمل نظام تعليم جيد جدا لـ 22 أو 23 مليون شخص تعليم عام ؟النظام هيطلع إيه؟ هيطلع تعليم متواضع ودي كلمة مؤدبة، طب مين هيقدر يعمل تأمين طبي حقيقي لـ 100 مليون حتى لو كانت عدد مستشفياتنا 5 آلاف”.
وأضاف:”دولة زي مصر عاوزة على الأقل إنفاق عام لا يقل عن تريليون دولار سنويا، أي 17 أو 18 تريليون جنيه، لو الرقم دة موجود حاسبوني، وحاسبوا الحكومة على الأداء والممارسات وحقوق الناس”.
وأكد السيسي، أن عام 2022 هو عام المجمتع المدني.
كما حذر الرئيس السيسي، من تدمير الدول قائلاً: “تصوروا دولة فيها 16 مليون لاجئ بينهم 2 مليون في الأردن، و2 مليون في لبنان، وزيهم في تركيا وجوة معسكرات لاجئين لحوالي 10 مليون، ومنذ عشر سنوات والولد اللي كان عنده 6 سنين أصبح 16، يا ترى الأمة دي هتبقى عاملة إزاي وهتطلع لنا إية! أنا بتكلم بحب شديد لأني عايز البلد قد الدنيا بكل المعايير والقيم.. والله أعلم بما في نفسي”.
تابع الرئيس: في معسكر في إحدى الدول بياخدوا الأولاد الصغيرين يجوزهم عشان يطلعوا قتلة وأدوات قتل في المجتمعات”.
استكمل حديثه: “يا ترى اللي كان بينظر للدولة دي في 2010 كان هدفه تشكيل أجيال من الإرهابيين والمتطرفين يخربوا في المنطقة لمدة 50 أو 60 سنة جايين! أنت عارف لما مقدرات دولة تتحط في نشر الفكر في المحيط بتاعها هيحصل إية! ده خطير جدًا، وهذا الموضوع مهم، وأنا كإنسان في كل ما أطرحه أكون صادق فيه”.
خانات لا بد منها
من جانبه، قال وزير الدفاع عمر مروان:” إننا نحتاج لخانة الديانة في بطاقات الرقم القومي إن هناك حقوق تترتب على ديانة كل مواطن، في الزواج والطلاق والميراث وكل مواطن له حقوق مختلفة في الأحوال الشخصية بناءًا على ديانته”.
اقرأ أيضاً..مباشر.. الرئيس السيسي يشهد فعاليات إطلاق الإستراتيجية الوطنية لحقوق الإنسان
