إيمان العاصي تتصدر التريند بعد تصريحاتها عن جعفر العمدة
كتبت: أمل سعداوي
تصدرت الفنانة إيمان العاصي، تريند جوجل خلال الساعات القليلة الماضية بعد استضافتها ببرنامج “معكم منى الشاذلي” وإدلائها بالعديد من التصريحات.
وفي السطور يرصد “عالم البيزنس” تصريحات إيمان العاصي والتي جاءت كالآتي:
– بدايتي في التمثيل كان بسبب اني كنت مكتئبة وسايبة خطيبي وكانت صحبتي موديل بتصور فقولت هتصور أنا كمان عشان أغيظه واتصورت لقيت صحبتي بتقولي المصور عايز ينزل صورتك غلاف مجلة قولتها ماشي فكلمني المخرج دكتور خالد بهجت في دور بنت رغدة فمضيت العقد.
– إتجوزت بعد مسلسل حضرة المتهم أبي وقررت أقعد في البيت عشان مظلمش شغلي أو زوجي لكن متوفقتش وحصل الانفصال بعد شهرين جواز من والد ريتاج.
– المخرجين كانوا حاصريني في دور البنت الكيوت الحلوة اللي بتطلع حبيبة البطل وتعيط عليه، عشان كدا كنت بختفي كتير.
– كان نفسي أشتغل مع أستاذ محمد سامي جدا واللي بيشتغل معاه طريقه بيتحول للأحسن.
– أخويا خاف مني بسبب دور دلال في جعفر العمدة.
– دوري في دلال مهم جدا ومحور المسلسل كله عشان كدا الفضل لأستاذ محمد سامي أنه قدر يطلع من إيمان الدور ده.
– اتعرض عليا فلوس عشان أكشف نهاية المسلسل ويعرفوا مين وراء اختفاء سيف.
– جالي رسايل تهديد بسبب دور دلال في جعفر العمدة لما الناس عرفت علاقتي ببلال شامة وهددوني لو مرجعتش ابن جعفر هيجوا يخطفوا بنتي.
– مشهد النهاية أول مشهد صورته وخطة قتل سيف مستحيلة لإني لو قتلته مكنتش أقدر أخرج من البيت.
– نهاية مسلسل جعفر العمدة لم تعدل.
– لو دلال قتلت سيف فى المسلسل كانت الناس هتموتنى ومش هعرف انزل من البيت.
رحيل أبى غير كل حياتى.. حلمت به وقلت لأخويا أبويا هيشوف الحلقة دى، وفى الحلم شوفتك لابسة أبيض فى أبيض، وقلت لك بابا كان بيحبك قوي، صحيت منهارة.
