كتب احمد منتصر
قال الرئيس السيسي فى حديثه عن بئر العبد: “هنعمل مدينة جديدة تكلفتها 100 مليار جنيه تتمضن تخطيط عمرانى متكامل فى بئر العبد الجديدة خلال سنتين وهنعمرها”.
وأشار الرئيس خلال افتتاحه عددا من المشروعات فى منطقة قناة السويس بالإسماعيلية إلى أنه يوجد خلف 152 ألف وحدة سكنية شرق الإسماعيلية الجديدة، يما يعنى إمكانية تسكين 300 لـ 400 ألف مواطن، مضيفا: “نحن جاهزين نعيش الناس هنا حيث المدارس والمستشفيات والكنائس والمساجد وكل شىء، واحنا مش بنقول هنعمل.. لا احنا ان شاء الله عملنا”.
طالب الرئيس عبد الفتاح السيسي، المصريين بضرورة الثقة فى أنفسهم، قائلا: “أنا مش ببيع الوهم وسوف تتفاجئون بالمشروعات، التى سيتم افتتاحها بجهد وعمل المصريين وشبابها من مهندسين وعمال وغيرهم.. إحنا مش بنجيب شركات تعمل طالما إحنا قادرين على ذلك.. أنا بطمنكم.. وأقصد بقلقى على المصريين وحدة المصريين وقلبنا على قلب بعض وبلدنا”.
وأكد الرئيس إن سبب ما نحن فيه هو دعم المصريين لبلدهم وصبرهم وتحملهم، معقبا: “لا أجاملكم فى ذلك وكل ما نستحمل أكتر كل ما نطلع لقدام اكتر .. وأوعوا تفتكروا إن النجاح من غير تعب.. النجاح بتعب وتضحية وتحمل، وعلينا النظر لما أنجزناه اليوم ونقول الحمدالله إننا ماشين كويس”.
نعمل فى كافة المجالات والمحاور ونعمل بالتوازى فى كل المحاور المطلوب العمل فيها.. لا تقلقوا أبدا.. خايفين من إيه.. دا انتوا تخوفوا الدينا كلها.. ربنا يخلى الناس كلها ويحفظكم واحنا مستعدين نضحى.. وأنا أولكم والله العظيم .. والله لا يمكن لأحد أبدا يمسك يا مصر ولا يمس ارضك طول ما احنا موجودين.. محدش يقدر يمس مصر ولا ارضها ولا شعبها بس نبقى كتلة واحدة ونثق فى الله وجهدنا المخلص والآمن والشريف.. وأكررها فى زمن عز فيه الشرف”.
