كتبت: فاطمة عماد
أثار مطرب المهرجانات حمو بيكا ، الجدل، خلال الأيام الماضية، على مواقع التواصل الاجتماعي، بعد نشره فيديو على صفحته الشخصية على موقع الصور «إنستجرام » معلقاً عليه:«رساله للى اسمو عمر كمال»، كشف فيه عن تفاصيل خلافه وسوء التفاهم والمشكلة الجديدة، مع المغني عمر كمال.
تفاصيل أزمة حمو بيكا وعمر كمال الجديدة
قال «بيكا »: «من شهر عمر كمال جابلي شاعر، وقالي يلا نعمل أغنية قولتلوا تمام يلا، وعملنا الأغنية، والشاعر أخد حسابه، والأغنية متسجلة من فترة، وأقوله يلا يا عمر ننزلها، يرد فيه أغنية أنزلها أنا وشيماء مغربي الأول، قلت تمام، وشيرت أغنيته هو وشيماء عندي، وصبرت حوالي 20 يوم وكلمته تاني، يلا يا عمر ننزل الأغنية، قال لما أرجع من السفر، وأتفاجئ أنه نزل أغنية ليه مع حد من بره».
تابع : «قابلته في عيد ميلاد صديق لنا، قولت له يا عمر هرفع الأغنية عليك بس تشيرها، وافق وبعدين اتصل عليه فوق الـ6 مرات وميردش، أنت لما ربنا عطاك بقيت تشوف نفسك على الناس، أنا اول واحد يا عمر عملتلك أغنية، والناس سمعتك فيها».
ذكر«بيكا»: «عايز أقولك يا ابني، عايزك تنجح لوحدك واشوف شغلك ومهاراتك، ولما تشوفني في حتة متسلمش عليا، وخسارة العيش والملح اللي أكلتهم معاك».
تعليق «بيكا» على قناة «أم بي سي»
كما قال حمو بيكا، في مداخلة هاتفية مع الإعلامية ياسمين علي مقدمة برنامج كلام الناس المذاع عبر قناة «أم بي سي مصر» مساء أمس الجمعة: “عمر كمال عمل معايا حاجة كده، وقولت له ربنا يسهلك، ودلوقتي مسحت كل حاجة نشرتها لعمر كمال على السوشيال ميديا، ومش قابل منه اعتذار، وعمل حاجات كتيرة”.
وتابع : “حبيت اوصل له معلومة على السوشيال ميديا، وعمر كمال اتغير واتغر، وعمر كمال فرحان وشمتان فينا بعد قرار منع الغناء، رسالتي لعمر كمال الله يسهلك بعد اللي عمله”.
تعليق محمد موسي على خلاف «بيكا» و« كمال»
بينما علق المذيع محمد موسى خلال تقديم برنامج «خط أحمر» على قناة ا«لحدث اليوم»، قائلاً: “رسالة حمو بيكا واضحة عايز يقول إن عمر كمال قل بأصله معاه تخيلوا الوصف ده لما ييجي من بيكا لعمر كمال، على طول تفهم أن الناس دي ملهومش خير نهائي في بعضهم”.
وطرح مطربي المهرجانات حمو بيكا وعمر كمال ونور التوت أغنية جديدة تحمل اسم «مستفزة» خلال الأيام الماضية.
كما طرح عمر كمال أغنية “بحبك” فى عيد النجمه ياسمين عبد العزيز ثم على يوتيوب، من كلمات الشاعر محمود عليان.
نرشح لك: حقيقة سقوط مطرب المهرجانات حمو بيكا على خشبة المسرح في دبي «فيديو»
