الأخباررئيسىعالم الفن

القصة الكاملة لازمة مدحت العدل وسعد الصغير

كتبت: دنيا عبد الله

أثارت تويتة المؤلف مدحت العدل جدل كبير على مواقع التواصل الاجتماعي، خاصة بعد اتهام البعض له بالتنمر على الفنان سعد الصغير وجمهور أحد الأندية العربية.

كتب مدحت العدل، على حسابه الشخصي، عقب هزيمة فريقه الزمالك على يد المقاولون العرب بهدفين مقابل هدف: “الجمهور اللي منه نجيب محفوظ وأحمد زويل ومجدي يعقوب ومثقفي وفناني مصر مش حيعرفوا فاوست، وصاحب أغنية (باحبك يا حمار) سعد الصغير مشجع أحد الأندية العربية حيعرفه.. يا أمة ضحكت من جهلها الأمم”.

 

 

سعد الصغير يعلق على تويتر مدحت العدل

نشر من الفنان سعد الصغير، فيديو يعلق من خلاله علي تويتة مدحت العدل، وقال: «لو راجل غلبان بيقول الكلام ده هنقول مش فاهم، لكن أنت راجل فاهم.. أنت عارف يا دكتور بحبك يا حمار اتقالت في سياق فيلم، لما تطلع وتعايرنا بيها يبقى ايه ده؟».

واضاف: «أنت بتعمل تنمر وأنت دكتور، واللي أبوه علمه أحسن من اللي معاه شهادة، شوف بتتكلم عني إزاي، لكن أنا أبويا فلاح علمني متنمرش على حد، وأصلا أنت متعرفش حاجة في الكورة، لأنك مبتلعبش، لو فريقك مغلوب متعرفش تطلع تحلل وتقول مين اللي لعب وحش».

واستكمل سعد: «لو بتعايرني يبقى أنت مش دكتور، نص فرقة الزمالك أنا اللي عاملهم فرحهم وبيحبوني موت لأني عمري ما أغلط فيهم، أنا دبلوم صنايع مبعرفش اقرأ بس أبويا علمني، وأنت اتعلمت بالورقة والقلم، حاول تتعلم من الكلام».

وتابع:” ما تيجي نعمل إفيهات على بعض أحسن، أنا أقولك لو كنتوا نسيتوا أنا مش هنسي، 6/1 في شهر خمسة وأنت ترد عليا بمداعبة ولا متعرفش تعمل مداعبة؟”.

 

مدحت العدل- تويتر

 

 

اعتذار مدحت العدل لسعد الصغير

قدم الكاتب والسيناريست مدحت العدل، اعتذارا للفنان سعد الصغير، وقال العدل في مداخلة هاتفية عبر برنامج المساء مع قصواء على شاشة TeN: “لم أتزيد على أحد، وحد في قناة الأهلي قال إن جماهير الزمالك عاملة زي فاوست، في إشارة إنها بتبيع نفسها للشيطان، زي ما ذكرت أسطورة جوته، فرديت وقلت التويتة بتاعتي”.

وأضاف العدل: أعتذر بشدة عما حدث، وأعدك يا قصواء ألا أدخل في هذا المعترك، لأنه يقلل من قيمتي.

واستكمل: مستغرب جدا من فرحة البعض بهزيمة الزمالك من فريق المقاولون العرب، وبقالي 3 شهور مش برد على أي إساءة ولا بتكلم في حاجة.

https://www.facebook.com/The.Agricultural.Bank.of.Egypt

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى
البنك الأهلى المصرى