«اللي بيتعمل في مصر أمر غير مسبوق».. أبرز تصريحات الرئيس السيسي خلال افتتاح مشروعات مصر الرقمية اليوم
كتبت: أمل سعداوي
شهد الرئيس عبدالفتاح السيسي، اليوم الأربعاء، افتتاح عددًا من مشروعات «مصر الرقمية» لوزارة الاتصالات وتكنولوجيا المعلومات، مؤكدًا أن ما تشهده مصر من مشروعات ويتم تنفيذها أمر غير مسبوق، كما عبر الرئيس السيسي عن رغبته بأن يكون قطاع التكنولوجيا قاطرة للدولة المصرية.
أبرز تصريحات الرئيس السيسي اليوم
يرصد موقع «عالم البيزنس» في هذا التقرير أبرز تصريحات الرئيس السيسي خلال افتتاح المشروعات اليوم.
قال الرئيس عبد الفتاح السيسي، أن ما تشهده الدولة المصرية من تطوير ومشروعات قومية يتم تنفيذها على أرض الواقع أمر غير مسبوق.
أضاف الرئيس السيسي، أن من يرغب في التصدّي لحوار حقيقي بشأن الدولة المصرية، يجب عليه بناء سياق فكري كامل عن الدولة، حتي يصبح حديثه متكاملا.
كما أضاف الرئيس السيسي: «اللي بيحصل إنّنا بناخد جزء من الكلام ونتناوله كأنّه حقائق، وكأنّ المسؤولين الموجودين دلوقتي مقصرين، لأ ناخد الموضوع على بعضه كله».
تابع الرئيس: «لازم اهتمامكم يتغير عشان يكون في تعليم حقيقي، مش بتعملوا جمعيات عشان تصرفوا على الدروس الخصوصية، لازم نلتفت للتعليم الصحيح، الدول عشان تتبني بتحتاج صبر وشغل وتضحيات، ومفيش حاجة تقدر تعملها وأنت مبتجريش الجري ده».
وعن جامعة زويل، قال الرئيس، إنه يتم إنشاؤها على مرحلتين، الأولى تكلّفت 4.5 مليار جنيه، والثانية 6.5 مليار جنيه، كما تطرق الحديث عن الجامعة اليابانية: «ابتدينا شغل فيها من 2010، والنهاردة مستنيين التصاميم عشان ننفذها، الجامعة كانت قايمة على التبرعات، والتبرعات وقفت، نسيبها على كدا؟، لأ بنخلصها عشان نوري المصريين اللي بيحصل في البلد».
استكمل الرئيس حديثه: «ليّا الشرف والعزة والرضا على دعم ربنا إنّي أقدر أعمل الكلام ده، مش بزايد ولا بدّعي على ربنا، هو عالم اللي في قلبي، وأنا الوحيد اللي عارف اللي بيتعمل وبيتعمل إزاي».
كما مازح الرئيس السيسي، وزير المالية، قائلا: «دكتور معيط قاعد يبصلي وخلاص، مش أنت بتاع الفلوس؟، بتخش على القنوات التلفزيونية تشتكي من المصاريف».
تابع: «البلد دي حماها ربنا وهيحميها وهيساعدنا في بناها، وهتبقى في مستوى تاني خالص، وبكرا هتشوفوا ده بيتحقق بفضلك يا رب».
المكينة الحديثة
وطالب الرئيس وزير التعليم العالي بميكنة امتحانات كليات الطب لتحييد العنصر البشري بالكامل: «الناس بتتكلم عن المجاملة والرشوة في الجامعات، طيب نحل ده إزاي؟، بإننا نعمل قوانين؟، ولا نعمل نظم مختلفة في تقييم الناس، وقولنا نبدأ بكليات الطب علشان نطمن إنه الناس المسؤولة عن حياة الناس في مصر يكون تقييمهم قريب ما أمكن للحقيقة، ولما جينا نعمل كده لقيناه هيتكلف كتير، وحد ييجي يقولي أكل الناس وسيب البلد دي على كدا».
تابع الرئيس السيسي: «اللي هيكتبه الطالب في ورقته هياخده.. هقف قدام ربنا وهيكلمني وهقوله عملت كل ده ليه؟ علشان أعمل إنسان حقيقي في البلد دي ويعرف قدراته الحقيقية، علشان محدش يشتكي من التصحيح ونكافح أي تجاوز في حق الطالب، وأحيد المسؤول عن الاختبار واللي يكتبه الطالب هياخده».
أكد الرئيس، أن عملية إعادة بناء الإنسان وتطويرها هي عملية لا تقال فقط ولكن يتم عمل إجراءات كبيرة ويوضع لها الموارد المطلوبة: «حد يقولي أكلونا ووقفوا المشروعات القومية، والناس عاملة دراسات وأبحاث لتطوير رغيف العيش، الناس هاجمت وزير التموين وقالوله أنت مين علشان تغير مزاج المصريين.. هل ده الحوار اللي بينا وبين بعضنا؟».
إقرأ المزيد.. مباشر.. الرئيس السيسي يشهد افتتاح عدد من مشروعات «مصر الرقمية»
