بعد شائعة حبسه.. مرتضي منصور يهاجم الأهلي «فيديو»

كتب: محمود فهمي

نشر مرتضي منصور رئيس نادي الزمالك اليوم الأحد، علي صفحته الرسمية علي «يوتيوب»، نفي فيه ماتردد أمس السبت، عن ألقاء القبض عليه عقب حضور جلسة محاكمته في 3 قضايا سب وقذف.

وأوضح مرتضي عبر حسابه: “بنستفز جمهور الزمالك، بعد ما رجعت من المحكمة فطرت، واتفرجت على الماتش والولاد النهارده أحسن، وبعد المباراة قلت أنام شوية وصحيت لقبت الدنيا مقلوبة مرتضى محجوز مرتضى مسجون”.

وأكمل رئيس الزمالك: “بصحى كل يوم على قضية، من الخطيب وهاني العتال وأحمد سليمان وممدوح عباس، وكلها ليس لها أساس من الصحة،  ولا يجب أن يتم نظرها أساسا أمام القضاء، ولكن الغرض إحنا عايزين نقرفك، وأنا عمري في حياتي ما هقول كلمة تسيء للنيابة العامة أو القضاء المصري، اللي تشرفت بالانتماء إليهما سنوات طويلة من عمري”.

https://www.youtube.com/watch?v=Tdsgx8DHrug

وأضاف مرتضي: ” اللي بيحصل زايد عن حده، أنا بحضر الجلسات وباخد براءة، وأنا مش خط أحمر ولا محمود الخطيب خط أحمر، بس أنا مش فاضي عندنا منشآت وتجديد لاعبين وأمور كثيرة داخل الزمالك تحتاج لتفرغي لها”.

وأكمل: ” فيه النهارده 3 قضايا وبكرة 3 وبعده 4 وكل يوم عادي، مش مشكلة يا محمود أنا معنديش مشكلة خالص بس اتعامل زي ما أنا بتعامل”.

وأختتم: رئيس الزمالك قوله “أنا ولا شعرة في دماغي بتتهز إنما انتوا بستفزوا جماهير الزمالك، البلد مش ناقصة، وخسرنا سياحة روسيا واوكرانيا والبترول والقمح من البلدين دول قفلوا خلاص، ما أهو انتوا لما جماهير الزمالك تعرف إن رئيسهم محبوس بدون وجه حق مش هتسكت، أنا مش فوق القانون بس غيري ما يبقاش فوق القانون”.

نرشح لك..بترو أتليتكو يعزز صدارته للمجموعة علي حساب الزمالك بدوري الأبطال