سمية الخشاب ضيفة برنامج “هى وبس” مع رضوى الشربينى..

       كشفت سميةالخشاب  عن دور الرجل فى حياتها وذلك فى برنامج هي وبس الذى تقدمه الإعلامية رضوى الشربينى على فضائية سى بى سى سفرة.

[youtube https://www.youtube.com/watch?v=xgymAHMV6_c]

وقالت سمية الخشاب فى هى وبس، الراجل بالنسبالي أبويا الله يرحمه كان مثلى الأعلى وربانى الحمد لله كويس جدًا بس دايمًا كان يقولي إوعى تسيبى حقك لو سيبتى حقك ربنا هيحاسب، علمنى إنى أكون قوية يكون عندى شخصية مبقاش محتاجة لحد أفكر بعقلى مبقاش متسرعة حاجات كتير قوى علمهالى.

وأضافت: ماما طبعًا كمان مثلى الأعلى ربنا يخليهالى ويديها الصحة والعافية هي ست قوية علشان كدة أنا طالعالها دايمًا بقول لكل أم قوي بنتك علميها انها تكون قوية علميها متقبلش الإهانة ومتقبلش حاجة ربنا ميرضهاش الرسول عليه الصلاة والسلام كرم المرأة رفقًا بالقوارير وصى عليها وربنا سبحانه وتعالى كرم المرأة انت جاى راجل بعض الرجال لأن فى ناس محترمة كتير.

وقالت سمية الخشاب  فى حال تعرضها للضرب، فى حاجات زي ما قولت تدى فرصة فيها لو لاقيتيها بتتكرر لازم تخلعى، وانتى ربنا يتولاكى لو انتى معندكيش ضهر وهو بيصرف عليكى وهتتشردى فى الشارع محدش بينام من غير أكل، فى حاجات مينفعش ندخل فيها إخوانا المسيحيين معندهمش طلاق هى مضطرة انها تكمل مثلًا.

و أضافت: لكن عليا أنا مستحملش الخيانة وأنا متخانش يعنى من الآخر مينفعش أتخان يعنى مش هدى فرصة لحد يخونى أساسًا إزاي هتقبلى إن جوزك خانك مثلًا وخطيبك أو كدة أصل الخيانة كمان درجات ممكن خيانة بالعين انت عينك مش مليانة بالسلامة تضيعى وقتك مع واحد ليه هو معندوش ثقة فى نفسه وفى بنات كتير حلوين جدًا وزى القمر بس هو أساسًا فى دمه الخيانة عينه فارغة.

جدير بالذكر أن حلقة الفنانة سمية الخشاب فى برنامج هى وبس كانت فى حياتها الشخصية فقط بعيدًا عن المجال الفنى.

إقرأ أيضا: 

أكرم حسنى مع أمير كرارة فى برنامج ” سهرانين”