عالم الفنمنوعات

شيرين رضا تثير الجدل على السوشيال ميديا.. اعرف التفاصيل

كتبت: فاطمة عماد

أثارت الفنانة شيرين رضا، جدلاً واسعاً، خلال الساعات الماضية، على وسائل التواصل الاجتماعي بعد تصريحاتها الأخيرة أثناء استضافتها في برنامج «كلمة أخيرة»، مع الإعلامية لميس الحديدي على قناة «ON»، حيث استنكرت تعرض نجلتها نور عمرو دياب للتنمر، وأكدت أنها تربيها بطريقة مختلفة وهي اعتمادها على نفسها في حياتها دون اللجوء لوالديها.

ويرصد لكم موقع «عالم البيزنس»، في هذا التقرير، أهم تصريحات الفنانة شيرين رضا عن نجلتها، كالتالي:

استقلال نور المادي

قالت الفنانة شيرين رضا، خلال برنامج «كلمة أخيرة»:”فخورة بابنتي نور عمرو دياب لأنها تعتمد على نفسها”.

وأضافت: “فرحت لما نور قالت إنها هي اللي بتصرف على نفسها، إحنا قادرين نصرف عليها، لكن معظم الأطفال اللي اتربوا معاهم كل حاجة مابيحسوش إنهم محتاجين يحاربوا”.

وتابعت: “محتاجين نزرع ده في ولادنا، باباها اشتغل وعمل فلوسه.. وأنا اشتغلت وعملت فلوسي، وفي النهاية الأولاد هياخدوا كل ده لكن لازم يعرفوا قيمة الفلوس”.

نرشح لك: مرض جنا عمرو دياب يُثير الجدل على السوشيال ميديا.. لهذه الأسباب

التنمر على نجلتها

كما علقت الفنانة شيرين رضا ، على التنمر الذي تعرضت له ابنتها نور عمرو دياب على مواقع التواصل الإجتماعي، قائلة :«بيقولولها شكلك عامل كده ليه؟ أنا نفسي بقى يوروني هما شكلهم إيه، أنا أصلًا أكبر متنمرة في الدنيا».

وذكرت« رضا»:” لما حد ييجي يتنمر على بنتي هشطفه وأزرعه في الأرض، وقررت إنى أسكت لكن عايزة أسأل الناس سؤال؟ فرجوني جمالكم وحلاوتكم وجسمكم ودرستوا فين واتعلمتوا إيه ؟ وقبل ماتتنمر على حد لازم تشوف أنت أحسن منه»، والسوشيال ميديا بقت مؤذية جدا”.

استكملت حديثها، قائلة:” نور بسيطة دايما في حياتها، مبتحبش تلبس ماركات وتتباهى، وخدت ده مني”.

موقفها من الخيانة

وتابعت  الفنانة شيرين:”أتعرضت لخيانه من زوجي وصاحبتي ، يوم ماعرفت قررت  أقاطع صاحبتي من حياتي تماماً وانتهت علاقتى بزوجى لأن إحساس الخيانة صعب من زوجي أو صاحبتي “.

 خطوبة نور

أكدت الفنانة:” أنا سعيدة بخطوبة نور طول ما هي سعيدة”، مضيفة:”الناس كانت فاهماني غلط إن أنا ضد الجواز، أنا ضد الجواز لنفسي، وبنتي من حقها تجرب لو عايزة”.

وأضافت «شيرين»:”نور عايشة بره من 10 سنين، وهي نفسها بقت أجنبية، طبعا مصر بلدها، لكن صعب بعد الفترة الطويلة دي تتجوز حد من هنا”، مؤكدة:” الناس قالولي إنتي مباركتيلهاش. أبارك لبنتي على الخطوبة على السوشيال ميديا؟ إيه الهبل ده”.

تابعت:” نور عندها مستوى قليل من التوحد اسمه أسبرجر، بيبقوا أذكياء جدا، وإيلون ماسك عنده أسبرجر”.

اشتياقها لوالدها

قالت«رضا»: ” وحشني أوي   بشكل ماحدش يتخيله”، مضيفة:” افتقد والدي كل يوم، طريقته في الكلام، وعلى الغدا والفطار والنكت. محمود رضا كان قادر يخليكي تعيطي من الضحك”.

حديثها عن الفن

شيرين رضا
شيرين رضا

تابعت الفنانة:”بيتعرض عليا أدوار حلوة كتير، وحاسة إني محظوظة جدا، وبقيت بعمل 5 أفلام مع بعض”، مضيفة:” بعد “قمر 14″، عندي “تحت تهديد السلاح”، “في عز الضهر”، “الملحد”، “بنات رزق”، و”القاهرة مكة”.

وأشارت «رضا»:”الملحد” كاتبه إبراهيم عيسى، كتاباته عظيمة، واشتغلت معاه “الضيف” من أهم أفلامي”، مؤكدة:” لما رجعت أمثل قاللي مش شايفة إنك عجزتي قوي عشان تبتدي تمثلي تاني”.

أكدت:”نفسي أعمل دور واحدة شعبية أو فلاحة، طبعا صعب عليا عشان طريقة كلامي”.

يذكر أن، الفنانة شيرين رضا شاركت في الدورة الخامسة بمهرجان الجونة السينمائي الدولي،بفيلم “قمر 14” وشاركها البطولة خالد النبوي، غادة عادل، خالد أنور.

نرشح لك: «وحشتينا أوي أوي».. شيرين رضا تعلق على ظهور شيريهان بعد غياب سنوات

https://www.facebook.com/The.Agricultural.Bank.of.Egypt

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى
البنك الأهلى المصرى