لقاء الخميسي عن استبعاد «عبد المنصف» من قائمة المنتخب: «اختيارات غير عادلة»

كتب: حسام عبدالعظيم

وجهت الفنانة لقاء الخميسي رسالة شديدة اللهجة إلى الجهاز الفني للمنتخب المصري، عقب استبعاد زوجها محمد عبدالمنصف حارس مرمى وادي دجلة من قائمة الفراعنة، لمواجهة كينيا وجزر القمر في الجولة الخامسة والسادسة في التصفيات المؤهلة لكأس الأمم الأفريقية 2021، والمقرر إقامتها في الكاميرون .

وقالت لقاء الخميسي على حسابها الرسمي على موقع «فيس بوك»: «أنا عمري ما تدخلت في موضوع الكورة بتابع من بعید وبشجع أوسة لأني مؤمنه بيه من أول لحظة، جول موهوب، وتحالفت ظروف كتير عليه وكان بيلعب في ضغط نفسي كبير لا يتحمله أي انسان، ومع ذلك قاوم وكمل وبقى من أفضل واقوى أجوال مصر».

وأضافت «الخميسي»: «اللي اعرفه إن الاجوال مالهمش علاقه بالعمر طالما في فورمة كويسه ومتألق، أوسة كان في المنتخب وكان دايماً راجل، والكابتن الجوهري الله يرحمه كان بيحب أوسة دايماً وبیدعمه».

وتابعت زوجة عبدالمنصف: «لأول مره هاقول رأيي في اختيارات المنتخب، ومالهاش علاقة باللاعبين المختارين، عدم اختیار أوسة في المنتخب يدل وبشكل واضح إن التقييم والاختيار غير عادل وليس له اي علاقة باللاعب واجتهاده وأدائه وانما في معايير تانية غير مفهومه للاختيارات».

واستكملت الفنانة :” امتى مش هايبقى في حسابات شخصية في الشغل، امتى هايبقى الفيصل هو أداء من يستحق، امتى هانخرج عواطفنا بره منظومة العمل في كل مجالات مصر مش بس الكورة، اللي حصل دا ظلم كبير، احنا محتاجين نتغير وندي كل ذي حقٍ حقه».

واختتمت كلامها قائله: «أوسة من غير المنتخب برده مكمل في النجاح، بس احساس وجوده في “منتخب مصر” ليه رونق وطعم تاني وشرف لكل لاعب وأوسة يستحق».