مجدي عبد الغني يهاجم الزمالك عن طريق «زيزو»
كتبت: أمل سعداوي
«أمر مبالغ فيه»، بتلك العبارات تصدر مجدي عبد الغني، الإعلامي ولاعب الأهلي، ومنتخب مصر السابق، محركات البحث «جوجل»، خاصة بعد حديثه عن عقد أحمد مصطفى زيزو الجديد مع القلعة البيضاء.
وأعلن نادي الزمالك، في وقت سابق عن تجديد عقد من أحمد مصطفى زيزو لمدة 3 سنوات، مقابل مبلغ يتخطى 10 مليون جنيه.
وقال مجدي عبد الغني، خلال برنامجه «ملعب البلدوزر» المذاع على قناة «الشمس» :« زيزو هو أفضل لاعب في مصر حاليًا وأظهر مهارات عالية في الموسم الماضي، ولكن وأنا بتعاقد معاه أنا عارف إني هرجع الفلوس دي ولا الفلوس دي طايرة مني؟ تجديد عقد زيزو بهذا المبلغ الكبير أمر غريب جدًا، الوضع الطبيعي في أي مكان في العالم حتى بلاد أفريقيا اللي هي بتصدر لعيبة لجميع دول العالم، مابيتعاقدوش كده وخلاص، ينظرون للمقابل المادي كبير ولا صغير، أنا هقدر أدفعه ولا لا، وهتصرف في المبلغ منين، والوضع الطبيعى أنه سيحسب تلك الأمور قبل التعاقد مع أي لاعب، هيلاقي إنها مش ماشية معاه، هيقوله متشكرين حتى لو هو هيجبله (إكسير الحياة)، حتى لو هيجبله الدوري أو الكأس أو أفريقيا وجميع البطولات».
أضاف «عبد الغني»:«إحنا بنعمل إيه في كرة القدم في مصر؟ إحنا بنعمل سمك لبن تمر هندي، إحنا بندفع تلك المبالغ حتى لا ينتقل اللاعب لأي نادٍ! ما يروح أي نادي، إيه المشكلة، العالم كله بيعاني حتى إنجلترا إللي بتدفع ملايين الجنيهات الإسترليني لديها مشاكل نفس الأمر في ألمانيا وسويسرا كل دول العالم عندها مشاكل، وهو إحنا مش عندنا مشكلة؟ احنا عندنا مشكلة، نقعد ندفع فلوس بالطريقة دي! الأرقام دي تطلع واحنا عندنا مشكلة إزاي! قولولي يمكن أنا مابفهمش».
