7 أسباب تجعلك تتفرج على «الانس والنمس».. هنيدي يروج لفيلمه بطريقة مضحكة

كتبت: دنيا عبدالله

روج الفنان الكوميدي، محمد هنيدي، لفيلمه «الإنس والنمس»، بطريقة مضحكة وترفيهية، ونشر بوست على صفحته الشخصية بموقع التواصل الإجتماعي “فيسبوك”.

كتب هنيدي: “سبع اسباب تخليك تشوف فيلم الإنس والنمس” وهما:

•  لو نجحت وجبت مجموع فتكون فرصة تحتفل.
•  سقطت او مجبتش مجموع فتكون فرصة تخفف عن نفسك.
•  لو عندك مدير مزهقك أو شغل تعبك، ففي دراسة بلجيكية حديثة اثبتت ان الفرجة على أفلام هنيدي بتحسن المزاج وبتخليك تفكر احسن ازاي تطفش المدير.
•  لو جعان ففيه فشار في السينما ممكن يشبعك ومن غير سعرات حرارية تتخنك ولو عايز تتخن اضرب معاه بيبسي.
• ولو عايز تخس بس بتحب البيبسي .. عندهم برده بيبسي دايت.
• ان الناس بتشكر في الفيلم وفرصة تشوفه في السينما عشان ماتحسش انك غريب ومضطهد في المجتمع.
•  ان الفيلم صفعة على وجه هوليوود وبوليوود والصين اننا قادمون وهنعمل أفلام تمحو تاريخكم وماضيكم ومستقبلكم وحاضركم والمضارع والمضاف اليه.
•  الفيلم هيديك طاقة روحية هتوصلك لمكنون جوهرك وذاتك اللي بتبحث عنها من أيام ما كنت جنين.
•  الحياة مابتقفش على حد .. فلو سينجل او ماعندكش صحاب .. ممكن تروح تشوفه عادي وتنبسط.

يذكر أن، محمد هنيدي مازح جمهوره عبر حسابه الخاص بموقع التواصل الاجتماعي «فيس بوك» وكتب هنيدي قائلًا: من بكرة هبتدي ترويج لفيلم «الإنس والنمس» كأنه نازل السينما لأول مرة، وهعيش الدور أوي.

أضاف: “فياريت ماحدش يفصلني ويقولي إنه نازل من أسبوعين”.

الفيلم قصة وإخراج شريف عرفة، سيناريو وحوار كريم حسن بشير، بطولة محمد هنيدي، منة شلبي، صابرين، عمرو عبدالجليل، بيومي فؤاد، شريف دسوقي، عارفة عبدالرسول، دنيا ماهر ومحمود حافظ.