كريم محسن يعقد قرانه اليوم فى سرية تامة وبنطاق عائلى

فرحة كبيرة يعيشها المطرب كريم محسن بعد أن قام اليوم بعقد قرانه، فى سرية تامة وفى نطاق عائلى بمنزل العروس الذى لم يفصح عن اسمها، وهو ما تفاجأ به جمهوره الذى قدم له التهانئ، مؤكدين سعادتهم بفرحة مطربهم المفضل واتخاذه هذه الخطوة فى حياته.

وقال محسن، إنه اتخذ هذه الخطوة قبل صدور ألبومه الجديد “واد متعلم” وقبل حلول شهر رمضان ويشعر بأن حياته ستتغير للأفضل فى الفترة المقبلة.

وكتب محسن على صفحته الرسمية بموقع التواصل الاجتماعى فيس بوك “النهارده أحلى يوم فى حياتى.. النهاردة وقبل شهر رمضان الكريم كملت نُص دينى أنا الحمد لله كتبت كتابى على بنت ناس كويسين من أسرة محترمة وكريمة باركولى وعقبالكم جميعاً.. أنا حبيت آخد الخطوة دى قبل صدور الألبوم وقبل شهر رمضان علشان أنا حاسس إن المرحلة الجاية مختلفة بالنسبة ليا إن شاء الله ربنا يكرمنى ويكرمكم جميعاً.. كتب كتابى كان فى بيت العروسة فى نطاق عائلى وإن شاء الله الدعوة عامة فى الفرح إن شاء الله إللى هيكون بعد صدور ألبومى بكام شهر.. حبيت أفرحكو معايا لأنى بحبكو أوى أوى وربنا يديم المعروف بينا وديماً إخوات وحبايب”.

Source: فن اليوم السابع