أعلن الفنان أحمد فلوكس، أنه يميل إلى الهزار على السوشيال ميديا مع جمهوره وأصدقائه، ولذلك كتب عبر صفحته إنه يتمنى أن يرتبط بسيدة جميلة كانت زميلته فى المدرسة، موضحاً “ماكنتش عاوز أطلق هنا شيحة لأن هنا جميلة جدا ومن الناس اللى قابلتهم ومايتعوضوش .. كانت بتحبنى جدا .. وست بمليون راجل .. ولكن أنا كراجل صعب .. صعيدى حتى لو ماروحتش الصعيد طول عمرى .. وعصبى جدا.. وفى نفس الوقت هنا مايتفرطش فيها بسهولة بس هى اللى طلبت، وطبيعى اللى هتطلبه هنا هعملهولها لغاية ما أموت”.
وأضاف “فلوكس”: أكتر حاجة بتضايقنى فى الجواز كلمة “بنشترى راجل” لأن الجملة دى لو أتقالتلى هسيبها وهمشى .. جملة صعبة جدا”.
وأشار ، “أنا مادخلتش الفن عن طريق والدى بالعكس هو كان رافض .. أنا دارس إعلام قسم تصوير.. وأبويا كان عاوزنى أشتغل فى البيزنس ..وبالفعل أنا دلوقتى فاتح شركة .. لأن الفن مابقاش هو اللى تربينا عليه .. وأكبر دليل على كلامى، إنى كنت بروح الجامعة بميكروباص .. يعنى تعبت فى البداية”.
