كتبت: دنيا عبدالله
تصدر اسم الإعلامية رضوى الشربيني، تريند جوجل، بعد انهيارها على الهواء مباشرة، في أول ظهور لها بعد وفاة والدتها، التي رحلت مطلع مارس الماضي متأثرة بإصابتها بفيروس كورونا.
قالت رضوى الشربيني، خلال مقدمة برنامجها هي وبس، المذاع على قناة «سي بي سي سفرة» : “كان عندي كابوس لمدة 50 يوم، مش قادرة ومش عاوزه أتكلم عن تفاصيله دلوقتي، أتكلم عليها لما أقدر أتكلم عليها هتكلم عليها، لكن إحنا كان لازم نطلع، لأن عندنا رسالة، والرسالة دي لازم نكملها، كمان كان لازم أطلع عشان أنا هي هي نفس الست اللي قعدت 5 سنين تقولكم إن مع العسر يسرًا، وإن مهما حصل ومهما الواحد مر بحاجات مش كويسة، لكن ربنا موجود”.
وأضافت الشربيني: “اختبار صعب، والحياة امتحان، كل واحد فينا عنده امتحان شكل، وكل واحد فينا بيمتحن قدر استطاعته، لكن أنا هى هي الست اللي كانت بتقولك هتعدي، وأنا كمان متأكدة إنها هتعدي، بالصبر والدعاء والصلاة هتعدي، وأنا طالعة النهاردة رغم إن كان عندي الاختيار إني مطلعش وإني أستنا لحد بعد رمضان، بس أنا صممت إني أطلع، عشان زي ما بشجعك أنا كمان بشجعني”.
وتابعت باكية: “كم الدعوات الكتير لأمى وهى عايشة، وهى ميتة، لو كنت عملت فلوس كتير أو بقيت ملكة الدنيا مكنش هيحصل، ناس كتير وقفت جنبى أهلى وأصحابى أشخاص ربنا سخرهم عشان يكونوا حزء من اليسر، إحنا بشر وكل واحد بيحصلوا حاجات لازم يصبر عليها ويستحملها حتى لو كان العقل مش مستوعبها والقلب مش مستحملها، لكن ربنا قال وبشر الصابرين، فإحنا لازم نقول الحمد لله ونصبر”.
واختتمت قائلةً: “أنتوا وحشتوني جداً.. ومتشكرة ليكم جداً.. عشان أنا حسيت إني اللي عملته في 5 سنين ماراحش.. وبشكركم جداً على دعواتكم لي ولأمي الله يرحمها”.
شاهد .. أول كلمات رضوى الشربيني بعد وفاة والدتها
نرشح لك: رضوى الشربيني تُحال للتحقيق.. والسبب تصريحاتها بشأن «الحجاب»
