كتبت: أمل سعداوي
تصدر الإعلامي عمرو أديب ترنيد «جوجل» خلال الساعات الماضية بعد التصريحات التي أدلى بها في برنامجه «الحكاية» على mbc مصر بشأن نادي الزمالك.
تعليق عمرو أديب على هزيمة الزمالك
قال عمرو أديب خلال برنامجه بعد تعرض الزمالك للهزيمة أمام البنك الأهلي في المباراة التي جمعتهم أول أمس الأحد:«الزمالك لعب 17 مباراة في 2023 اتغلب في 10، إحنا مش بنتكلم عن فريق، إحنا بنتكلم عن خرابة، 3 أهداف في 7 دقائق إمبارح، رقم قياسي عالمي جديد»
أضاف: «الزمالك كل يوم فى النازل، فريق بلا مدرب دلوقتى بيدربه عبد المقصود وبكره عبد المعبود ومش معقول اللى بيحصل دا، دا احنا تانى اكبر فريق فى مصر»
استكمل حديثه: «كل يوم فريق الزمالك بينزل، مفيش مدرب ورئيس النادي في السجن، مستنيين ايه من لعيبة الزمالك، النهارده عبدالمقصود وبكره عبدالمعبود»، متسائلًا: «معقول تاني أكبر فريق في مصر مش عارف له مدرب؟ ده شيء مهين وبايخ وشكله وحش، ليه بيتعمل فينا كده.. ليه الزمالك بيتهان؟»
كما تسأل «أديب» : «عاوز أعرف الدولة بتتفرج ليه؟ الدولة بتكتب على سطر وتسيب سطر، النادي ده بتاع الدولة والفلوس اللي بتضيع دي فلوس الناس»
تابع «أديب»: «الأهلي مش منور أوي ومش في أعظم حالاته، لكن الزمالك تدهور تدهورا كبيرًا، اللاعيبة متكسرة نفسيًا وليس بدنيًا»
أكد «أديب» في حديثه أن الوضع أصبح أسوأ داخل القلعة البيضاء:«الوضع من سيئ لأسوأ.. الفريق من غير إدارة كسب الدوري مرتين.. كفاية حالة الإنكار دي.. رئيس النادي يرجع.. احتمال.. طب هاتوا لجنة تدير الفريق.. لما نشوف، الفريق خارج المنافسة على أي بطولة، والدولة بتتفرج على انهيار النادي»
وتابع عمرو أديب: «موقف وزير الشباب والرياضة غير واضح، الوزارة خايفة تتخذ أي قرار ممكن يكون فيه نسبة خطأ، النادي مبقاش فيه غير خناقات وخلافات ومؤامرات وخزينة فارغة.. طب وبعدين»
واختتم حديثه: «بيعوا النادي وأعملوا مكانه مطاعم وحمامات، هو الزمالك بيحكمه قانون ولا ملاهي ومراجيح؟، طبقوا أي قانون على الزمالك حتى لو قانون المرور بدل الفوضى، أو سيبوه يقع ويبقى خرابة وربنا يتولاه برحمته»
