«مصر عبرت الأزمات بفضل إرادة شعبها».. أبرز رسائل الرئيس السيسي خلال حفل تخرج طلاب الكليات والمعاهد العسكرية اليوم

كتبت: أمل سعداوي

شهد الرئيس عبد الفتاح السيسي، صباح اليوم الخميس، مراسم احتفالية تخرج دفعة جديدة من طلاب الكليات والمعاهد العسكرية.

ووجه الرئيس السيسي، خلال الاحتفالية العديد من الرسائل للمصررين والعالم أجمع أكد فيها على قوة وعزيمة أبناء الشعب المصري ووقوفهم في وجه الإرهاب الأسود.

أبرز سائل الرئيس السيسي اليوم

يرصد «عالم البيزنس» في السطور التالية أبرز تلك الرسائل.

أكد الرئيس السيسي، أن مصر استطاعت عبور الأزمات والتحديات التي واجهتها خلال السنوات الماضية بإرادة المصريين.

أضاف الرئيس، أن إرادة الانسان وقبلها دعم ربنا ومشيئته تم التغلب على كافة الصعاب. متابعًا: “من سنين مش بعيدة في 2013 و 2014 كان الإرهاب يضرب الدولة هنا وكنا بنشوف شهدائنا ومصابينا وكنت متأكد أن الأزمة هتعبر بفضل الله زي ما كل الازمات بتعبر، ومن يقرأ التاريخ هيشوف كده كتير وبقول لكل المصريين  الدنبيا مبتفضلش على حالها”.

تابع:” عايز اقول ان المرحلة دي كانت صعبة علينا واتصور ان كلنا متابعين ان المصاعب مش عندنا هنا بس بل في الدنيا كلها ..وزي ما احنا شايفين ازمة كورونا عبرت بسلام والنهاردة موجودين ونقدر نقول أن اثارها يمكن التعايش معاها”. مضيفًا:”المشاهد اللي شايفنها حولنا تؤكد أن الجهد الللي بيتبذل من كل مواطن في مصر للحفاظ على الدولة دي.. بيخلي ان في امل لبكرا”.

وأضاف الرئيس: “المشاهد اللي شايفنها حولنا تؤكد ان الجهد الللي بيتبذل من كل مواطن في مصر للحفاظ على الدولة دي.. بيخلي ان في امل لبكرا وكل المصاعب هنعبرها بفضل الله واقدر اقول ان احنا واقفين برده على ارض صلبة معندناش تحديات كبيرة اوى زي البلاد الاخرى لان عندنا امن و استقرار نقدر من خلاله نعمل اي حاجة”.

كما وجه الرئيس السيسي رسالة للضباط الجدد، قائلًا:” واوجه رسالة لضباط الخريجين من الشرطة و الحربية خلي بالكم انتو دوركم لسه كبير أوي.. بدأت المسئولية عليكم ربنا يوفقكم ويحفظكم ويحفظ مصر في أمن وسلام”.

تابع: “أتمنى لهم كل التوفيق في حياتهم، يعني لسه أول خطوة النهاردة في حياة الضابط المتخرج وده الحقيقة يمثل خطوة مهمة قوى، وخطوة رائعة وعظيمة فى حياتك، وحياة كل الخريجين إن شاء الله، سواء الكليات العسكرية أو حتى الكليات المدنية”. مضيفًا:”خلينى أقول لكم، في الدنيا الموجودين فيها الأمور دايما بتبقا متغيرة، ولكن إرادة الإنسان، وقبل منها بدعم ربنا سبحانه وتعالي ومشيئته كل الأمور حتى الصعبة يتم التغلب عليها”.

اختتم الرئيس حديثه: “واتصور واتكلمت فى المسالة دى كثيرا قبل كده، وقلتلكم المشاهد اللى بنشوفها حوالينا بتأكد حاجة واحدة بس أن الجهد اللى بتبذل من كل مواطن مش الجيش والشرطة بس للحفاظ على الدولة جهد مشكور وبيخلى الـ 104 ملايين وأكتر موجودين على أرض مصر عايشين وعندهم أمل فى بكرة”.

إقرأ أيضًا.. الدولة المصرية تنفذ التطوير فى كافة القطاعات بدون ضوضاء.. أبرز تصريحات الرئيس السيسي من أكاديمية الشرطة اليوم