«الحمد لله مطلعش مسعور».. رحمة حسن تكشف تطورات الحالة الصحية الخاصة بها
كتبت- أمل سعداوي
تصدرت الفنانة رحمة حسن، تريند جوجل خلال الساعات القليلة الماضية خاصة بعد إعلانها عن تعرضها لنزيف نتيجة عضة كلب.
وقالت الفنانة عبر صفحتها الرسمية على موقع «انستجرام»:«امبارح الساعة ١١ بليل كنت نازلة أجيب حاجة من السوبر ماركت جمب البيت، كنت ماشية على الرصيف وكان في عربية بتركن جمبي عادي، فجأة الباب اتفتح ولقيت كلب جيرمن شيبرد بيهجم عليه بكل قوته”.وتابعت: “طبعا حاولت أجري لكن للأسف الكلب كان قوي وشرس ووقعني على الأرض، حاولت أقوم وأجري وصاحبته حاولت تشده، بس فك الليش بتاعه وعضني عضة كبيرة وغويطة بنابه».
أضافت الفنانة:«صاحبة الكلب كتر خيرها أخذتني فورا على مستشفى إمبابة، ادوني حقنة تطعيم الكلب ولسه فاضل لي ٤ هاخدهم خلال شهر، بس المشكلة أن من امبارح الجرح بينزف دم كتير، وأنا طبعا خايفة ومصدومة وتعبانة وعندي تروما من امبارح واللي واجعني أكتر أني مَش عارفة أتصرف إزاي، خصوصا أني أكيد مَش عايزة الكلب يتأذي، بس كمان مَش عايزة أي إنسان كمان يتأذي ويتعض ويتبهدل في الشارع زيي».
وأعربت الفنانة عن دهشتها بعد معرفة أن الكلب لم تكن تلك المرة الأولى التي يقوم بعض أحد، قائلة:« أنا كنت بشوف الكلب ده دائما مع صاحبته بتمشي بيه في الشارع جمب البيت عندي، وعشان شكله شرس كنت بمشي بعيد عنه لما بشوفه، امبارح صاحبة الكلب قالت لي متخافيش هو عض ولادي قبل كدا وتمام محصلش حاجة».
استكملت حديثها:«يعض حد، ومع ذلك هي سايباه عادي في الشارع من غير كمامة أو حد قوي يمسكه، بجد حرام عليكم، الكلب لما بيكون حجمه كبير وشرس بيعتبر سلاح، وصاحبه مسئول مسؤلية كاملة عنه ويحاسب علي إهمال مسؤليته، خصوصا لو إهماله تسبب لشخص تاني في أذى بدني يحتاج أكتر من ٢١ يوم علاج، وأذى نفسي ماعرفش هايحتاج قد إيه عشان يخف».
حالة مستقرة
وطمأنت الفنانة جماهيرها عن حالتها الصحية. مؤكدة أن الكلب لم يكن «مسعورًا»، قائلة:« الحمد لله طلع مش مسعور».
كما أكدت الفنانة أن الكلب الذي عضها سيذهب إلى مركز تأهيل وتدريب من أجل تعديل سلوكه.
اختتمت الفنانة حديثها، قائلة:«أنا كنت بحب أنزل أحط أكل ومياه للكلاب والقطط تحت البيت، دلوقتي أنا حقيقي مرعوبة أقرب منهم وخايفة جدا».
