كتبت: أمل سعداوي
تصدر الفنانة بدرية طلبة، تريند جوجل خلال الساعات القليلة الماضية، وذلك بعد تعرضها لهجوم كبير من جانب رواد مواقع التواصل الاجتماعي بعد إعلانها عن محاولة خطف ابنة اخيها، وذلك عبر صفحتها الرسمية على موقع «فيس بوك».
وقالت الفنانة عبر صفحتها:«والله ما كنت بصدق ومكانش يجي على بالي ابدا إن دي حقيقة لكن حصلت لحد مني، اللي اتشكت دي بنت اخويا، وربنا ستر ورجعت بيتها بالسلامة.. امانة خدوا بالكم من بناتكم لان واضح ان البنات الكبار هما السن المستهدف».
لتتعرض لهجوم كبير من جانب رواد مواقع التواصل الاجتماعي متهمينها بالكذب، حيث قال أحد رواده:«استحالة شكة دبوس تعمل تخدير كلي .. بطلوا هبد ارحمونا .. التخدير بيكون بالوريد إنما بالشك استحالة .. مفيش الكلام ده .. غير صحيح سياسة لتخويف الناس ايه الكلام الفارغ ده».
وقال آخر:«هى ناقصة بدرية طلبة فى الاشاعات دى . فين البلاغ اللى اتقدموا بيه للشرطة البنات مش متربية بتهرب مع الشباب وبترجع لاهاليها . لم يتم تقديم اى بلاغ بعدة الحالة» .
وعلق :« استحالة شكة دبوس تعمل تخدير كلي التخدير محتاج حقن في الوريد بجرعات معينة مش قليلة ومش بالبساطة ولا السهولة اللي انتم متخيلينها وعي المخ البشري متكلف بلاش إشاعات ولا قلق».
وبعد كل تلك التعليقات، قامت الفنانة بحذف البورست، وكتب بوست آخر قائلة:«اعتبرونى منزلتش حاجة طالما حتعدو تكدبو وتناقشو انا بوعيكم مش أكتر لإن حصل معانا فعلا ومقولتش تخدير كلى زي ما بتقولوا والبوست كان واضح واللي بيدخل علي الخاص عايز التفاصيل انا مش فاضيه اعد اشرح لكل واحد مش مصدق براحة راحتك والغريبه بقي اللى يقولك ترند !!! ترند ايه ياابو ترند هو اى هبد واى كلام».
إقرأ أيضًا.. صراخ رهيب وبكاء هستيري من «بدرية طلبة» مع «رامز جلال» وردود أفعال صادمة وكوميدية
