عالم الفن
دينا الشربينى .. فيلم “يوم الدين” جعلها تغير وجهة نظرها فى الحياة
حرصت الفنانة “دينا الشربينى” على حضور فاعليات الدورة الثانية من مهرجان الجونة السينمائى.
وكان من بين الأفلام التى نالت إعجابها فيلم “يوم الدين” ، المرشح لتمثيل مصر فى “الأوسكار”، وأكدت أنه ملىء بالمشاعر والحالات الإنسانية التى أثرت فيها.
وقالت عنه فى تصريحات صحفية : “اختيار ناس مريضة بجد للمشاركة فى الفيلم أثر فينا اكتر” .
لافتة إلى أن الفيلم جعلها تغير وجهة نظرها فى الحياة ، موضحة “كل نفس انتى بتتنفسيه لازم تحمدي ربنا عليه ، حاجات كتير بنتعامل معاها على أنها شىء طبيعى ، طبيعى إنى عايشة وبضحك ، لكن فى الحقيقة دى نعم لازم نحمد ربنا عليها”.
تابعت “دينا” : “الدنيا مش مستاهلة يا جماعة حبوا بعض، وحبوا نفسكم وانبسطوا لأن كل حد هيجيلوا يوم والحاجات اللى كان بيعملها امبارح مش هيعرف يعملها النهاردة ، مفيش حاجة دايمة على طول إحمدوا ربنا على كل حاجة”.