كتبت: دنيا عبدالله
طلبت الفنانة القديرة فريدة سيف النصر من جمهورها الدعاء لها بعد أن قامت بنشر صورة صادمة لها عبر حسابها الشخصي على مواقع التواصل الاجتماعي «فيسبوك»، ويظهر على وجهها ورم خطير، وقالت: “ممكن تدعوا لى من قلبكم.. بجد أول مرة أبكى زى الأطفال.. أنا أصلًا بتحمل لكن مش قادرة..”
فريدة سيف النصر توضح ما حدث لها
إضافت فريدة سيف النصر: “إن ده مش ماكياج ده وشى بدون سابق إنذار صحيت بصوت نص الليل ودى رابع مرة يحصل لى حاجة غريبة فى وشى وأكون بشتغل.. يعنى مش وقته” .
وقالت الفنانة القديرة “استغفر الله.. أحسن من غيرنا سامحنى والنبى اللهم لا اعتراض.. عاملة زى الكورة الكفر عينيا مقفولة وبوءى مدلدل حتى حواجبى وارمه.. يخر بيت كده أنا اديتكم نص الوش علشان حقيقى مش أنا.. رعب والله تغيير سريع سبحان الله والحمد لله.. مش هزار.. تحت أسنان سليمة 4 خراريج إزاى مش عارفين.. عملنا بانوراما كاملة والدكتور مستنى الالتهاب يروح والورم بحقن الفنتيرن قوية وأوجمنتين.. وبعدين يقرر فى إيه؟”.
واستكملت سيف النصر: “هو نفسه بيسأل في إيه؟هو انا اللي هاعرف يادكتوووووور..وطبعا الفليكتور منيمني علي روحي لأن الالم الحمدلله مايتحملوش الا حد مستسلم لارادة ربنا ويشكره..المشكله الشغل ومافيش وقت لاحول ولاقوة الابالله..لا زم يصوروا من غيري وانا وافقت هاعمل ايه!..؟؟ قدر الله وماشاء فعل حاضرحبيبي يا ربنا كل اللي تجيبه راضيه والحمدلله هو مابيجيبش حاجه وحشه ابدا قضا اخف من قضا لو هافدي الغاليين كلهم انا جاهزه..ادعوا لي..اسفه عالصوره بس انتم حبايبي وهاتتحملوا ده انا لسه منزله عالصفحه لايف بالنظاره الفراشه امبارح باين طلعت فراشه ملوثه…الآذان سلام بقي “.
سيف النصر تطلب من جمهورها الدعاء لها
وتابعت الفنانة “قدر الله وما شاء فعل.. حاضر حبيبى يا ربنا كل اللى تجيبه راضيه والحمد لله هو ما بيجيبش حاجة وحشة أبدًا قضا أخف من قضا لو هافدى الغاليين كلهم أنا جاهزة.. ادعوا لى.. آسفة عالصورة بس أنتم حبايبى وهاتتحملوا ده أنا لسه منزله عالصفحة لايف بالنظارة الفراشة امبارح باين طلعت فراشه ملوثة.. الآذان سلام بقى” .
وكانت أخر الأعمال الفنية التي شاركت فيها الفنانة القديرة فريدة سيف النصر مسلسل الاب الروحي الذي عرض الموسمين الماضيين على قناة dmc ، بالاشتراك مع الفنان القدير أحمد عبدالعزيز، ومحمود حميدة، وأحمد فلوكس، والفنانة سوسن بدر، ومن تأليف هاني سرحان، وإخراج بيتر ميمي، وإنتاج ريمون نسيم مقار.
اقرأ أيضًا.. مخاوف كورونا تدفع «البورصة» لإيقاف التداول على 70 سهمًا مؤقتًا لتجاوزها نسب الهبوط
