كتبت لميس ناصر
كشفت الفنانة نبيلة عبيد عن فكرة تقديم قصة حياتها، حيث أكد أنها ستقدمها بنفسها كفيلم وثائقي، وليس درامي، وأضافت في تصريحات لها هعمل قصة حياتي، دينا الشربيني عرضت الموضوع، وهي تقدر تعمل حاجات حلوة أوي لكن الموضوع ده أنا هتناوله بشكل وثائقي.
أعمال درامية محبتهاش
وتابعت: لكن يتقدم كدراما لا، ولما شوفت أعمال درامية محبتهاش، فأنا اللي هروي كل شئ«، وأوضحت: كان عندي قدرة تحمل كبيرة جدًا وعايزة أقول لما وصلت لده بالتعب فعايزاهم يشوفوا ده، وفيه قرار بتقديم قصة حياتي بشكل وثائقي»، وكشفت الفنانة نبيلة عبيد سبب ابتعادها عن الساحة الفنية لمدة عامين.
لازم أعمل حاجات تكون مناسبة ليا دلوقتي
وأضافت: «حاليا أنا بنقى موضوعات كويسة، ولازم أعمل حاجات تكون مناسبة ليا دلوقتي، وإن شاء الله ربنا يوفقنى وألاقى حاجات كويسة».
وكان آخر أعمال الفنانة نبيلة عبيد مسلسل سكر زيادة، والذى عُرض فى السباق الرمضانى لعام 2020، وضم عددا كبيرا من نجوم الفن وأبرزهم: نادية الجندى، سميحة أيوب، هالة فاخر، مى الغيطى، طارق عبدالعزيز، هنادى مهنا، وغيرهم، وهو من تأليف أمين جمال وإبراهيم محسن، وإخراج وائل إحسان.
