رئيسىملفات وتقارير

أبرز رسائل الرئيس السيسي خلال افتتاحه مجمع الإصدارات المؤمنة

كتبت: أمل سعداوي

وجه الرئيس عبد الفتاح السيسي، العديد من الرسائل الهامة خلال احتفالية افتتاح مجمع الإصدارات المؤمنة والذكية بالعاصمة الإدراية الجديدة، اليوم الأربعاء وذلك بحضور عدد من كبار رجال الدولة.

أبرز رسائل الرئيس السيسي

وقال الرئيس السيسي، خلال حفل الافتتاح، إن مجمع الإصدارات المؤمنة يقترب قيمته من المليار دولار.

أضاف أن المركز يساعد في حوكمة إجراءات الدولة، مُضيفًا: «أن ورق الدولة ممكن يتزور، و أنا شفت حاجات كتير جدا مش دلوقتي، بس حتى قبل ما ابقى في مكاني ده وشفت قد إيه ممكن يتعمل ورق باسم جهات حكومية أو جهات سيادية في الدولة عشان يتسهل بيها دخول الموضوع، ودي أمور في منتهى منتهى الخطورة على الأمن والصحة العامة».

تابع:«عشان كده بقول للدولة من فضلكم أراضي الدولة دلوقتي وأراضي الأوقاف تطلع وثائق بيها، والوثائق دي تكون بس الأمور تدققت بدقة شديدة ونطلع يبقى عندنا مستندات لملكية الدولة».

استكمل حديثه: «الأرض الـ100 ألف فدان دول بتوع الدولة ميروحوش لحد تاني إلا بقرار ينقل ده، وتتعمل إجراءات النقل بورق مؤمن برضو عشان ميبقاش فيه فرصة لحد يتعدى على أراضي الدولة وياخدها، لو عاوزين نجابه الفساد والتجاوز اللي ممكن يحصل وعملية الاختراق».

وأردف : «لو مثلا في الجمارك هدفي فقط أعمل إجراءات أو اتحصل على الأموال، وأمنع دخول مواد خطرة على الأمن أو محظور دخولها».

السيسي: بتابع الرأي العام وشايف شكل من أشكال القلق

لفت الرئيس إلى  أنه يتابع رأي العالم، ومواقع التواصل الاجتماعي، قائلاً:«بتابع الرأي العام ووسائل التواصل وشايف شكل من أشكال القلق، والقلق مستحق ومشروع، اقلقوا وأنا معاكوا قلقان، انتوا بلدي وناسي وأنا مسؤول عنكوا».

 رسالة حاسمة

ووجه السيسي رسالة خلال الافتتاح قائلاً: «بلاش نوصل لمرحلة إنك انت تمس نقطة ميّة من مصر، لأن الخيارات كلها مفتوحة، تعاوننا أفضل، نجري ونبني مع بعضنا، أفضل كتير من إننا نتصارع».

أما فيما يخص موكب المومياوات، فقال الرئيس «احنا كنا عاملين الاحتفال بتاع المومياوات لحكام لمصر من 3500 ولا 4000 سنة كانوا قادة وكانوا وطنيين ورسموا وكتبوا في التاريخ على مدى 4000 سنة حبهم لبلدهم».

وأضاف، «وإحنا برضه لما عملنا النقطة دي كنا عاوزين نقول خلو بالكم الدولة دي دولة من زمان قوي أيام ما كانت المية بتنزل محدش لا كان بيمنعها ولا حد كان بيوديها وهي بتنزل، كده ربنا ربنا خلى المية تروح هناك وتجيلنا هنا وقامت الحضارة دي والحضارة دي هتستمر».

مشروعات الدولة المصرية

وأما بخصوص المشروعات التي تقوم بها الدولة، فأكد الرئيس أن مصر ستستمر في تلك المشروعات، ضاربًا المثل بمشروع مستقبل مصر، قائلا: «اللي إحنا فيها هتستمر بايه؟ أرجع للمشروع واقول هتستمر إزاي ..المشروع اللي إحنا كنا بنتكلم عليه وفيه مشاريع زيه بتتعمل وكان الهدف منها إن أحنا نستفيد استفادة حقيقية أكتر من مرة واتنين من المية اللي موجودة وعشان كده بنقول المية اللي موجودة دي المحطة بتتعمل هناك عشان تاخد مية صرف زراعي وصرف صحي وكانت بيتم إلقائها في المكس وهيتم معالجتها وهتستخدم في الزراعة وأنا بقول الكلام وبكرره عشان يمكن الناس».

وتابع «أنا بشوف لما بلاقي تغطية لمشروع بيتعمل فبلاقي الناس بتتكلم ومشاورش على أحد الحاجات المهمة اللي بنتكلم فيها، وبقول إن المية دي كانت بتستخدم مرة او مرتين وبعد كده خلاص متستخدمش تاني وإحنا قولنا لا هنخلي كل فرصة موجودة عندنا في تعظيم الاستفادة من المية هنعمل لها المشاريع الخاصة بيها مهما كان تكلفتها».

اقرأ أيضًا.. الرئيس السيسي يشهد افتتاح مشروع مجمع الوثائق المؤمنة والذكية بالعاصمة الإدارية

يوفر 6 مليارات طابع بريدي.. أبرز تصريحات وزير المالية خلال افتتاح مجمع الإصدارات المؤمنة

يدعم رقمنة المحاكم والشهر العقاري.. تصريحات وزير العدل خلال افتتاح مجمع الإصدارات المؤمنة

استكمال رحلة التحول الرقمي.. تصريحات وزير التربية والتعليم خلال افتتاح مجمع الإصدارات المؤمنة

الوسوم

اترك رد

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى
البنك الأهلى المصرى
البنك الأهلى المصرى
إغلاق