أبرز رسائل الرئيس السيسي للمواطنين من مدينة بدر اليوم.. تعرف عليها

كتبت: دنيا عبدالله

شهد الرئيس عبد الفتاح السيسي، صباح اليوم السبت، افتتاح عدد من المشروعات السكنية المتنوعة في مدينة بدر، ضمن العديد من المشروعات التطويرية التي تشهدها مصر .

وحرص عدد من المواطنين على توجيه الشكر إلى الرئيس السيسى بعد التطوير الكامل للعشوائيات والمناطق غير الآمنة: “شكرا يا ريس”.

ووجه الرئيس السيسي، خلال افتتاح المشروعات العديد من الرسائل للمواطنين طمئنهم فيها على مستقبل الدعم ورغيف العيش والعمل على تطوير مستقبلهم.

يستعرض موقع «عالم البيزنس» في هذا التقرير أبرز الرسائل التي وجهها الرئيس السيسي للمواطنين من مدينة بدر.

أبرز رسائل السيسي للمواطنين

وقال الرئيس السيسي خلال كلمته في فعاليات الافتتاح، إن الدولة المصرية تعمل وفق سياق متكامل للتطوير والتنمية، والواقع الذى عرضه الدكتور مصطفى مدبولى ترجمة للتطوير في الواقع.

وأضاف:” الدكتور مصطفى لما بيقول في عام 1900 كنا حوالى 9 ملايين وبعد 100 سنة بقينا أكثر من 100 مليون.. النمو السكانى اللى فوق طاقة البلد يؤدى إلى تدمير الدولة أو كاد يؤدى إلى تدمير الدولة في 2011″.

وأشار الرئيس إلى أن: “صورة العشوائيات.. عبارة عن دولة لم تقدر أن تلبى متطلبات النمو السكانى الموجود فيها.. في الآخر المواطن اللى عايش في شقة في العشوائيات ممكن يدفعله 100 و150 جنيها بالكتير في المكان ده..

«الموضوع مش كده خالص.. الدولة لم تقدر أن تسيطر على حالها.. في طرق وإسكان وكل شيء وفى تعليم وفى صحة.. وأى مرفق أو قطاع عاوزين تتكلموا فيه”.

السيسي: الوعي أخطر قضية تواجه المجتمعات في العالم

وأكد الرئيس السيسي، على أن قضية الوعى أخطر قضية تواجه المجتمعات في العالم، قائلاً: “الناس بتشوف وضع.. وتقول الواقع ده مين السبب فيه.. ضعف المسئولين.. ومفيش إرادة سياسية ومفيش حل»

«الموضوع على بعضه.. الموضوع عبارة عن أمور مركبة تنتج حالة يصعب على الدولة تجاوزها.. المجتمع والشعب عاوز يعيش.. ومش قادر يعيش بالطريقة دى”.

وأوضح السيسي، أنه يجب ربط النمو السكاني والقضايا والإشكاليات التي واجهها المجتمع على مدار الـ 40 سنة الماضية.

وأشار إلى أن الأمر مرتبط بالموارد القادرة على تلبية المطالب، مضيفا: “فضل ربنا كبير أوى على مصر من أول 2011 لحد النهاردة.. كان ممكن نتقاتل مع بعضنا البعض، والبلد دى تروح أكتر من أى بلد تانى.. لكن إحنا بنحل المسائل وهنكمل الحل، ولكن الحل دا يتطلب ضبط النمو السكاني وتنظيم المسار”.

السيسي: الحكومة بتتعذب وهتتعذب معايا 

واستكمل حديثه: إن الدولة المصرية استطاعت التعامل مع ملف الإسكان، قائلاً: “ربنا وحده اللى يعلم.. احنا قاعدين نشتغل.. والحكومة بتتعذب وهتتعذب معايا.. وآى مسئول هيشتغل في الدولة هيتعذب.. العذاب مش هدف»

«ظروف بلدنا بتطلب أننا نتعذب لها.. حتى نحول حياة الناس والبلد من لا دولة إلى دولة.. الدولة اللى فيها عشوائيات مش عايشة وملهاش مستقبل.. الشخصية اللى هتطلع في حياة بالطريقة دى مش هتطلع سامحونى اقلكم دى شخصية سوية وقادرة على العطاء”.

وقال الرئيس عبد الفتاح السيسي خلال كلمته: “كنت اسمع كلام كتير السنين اللى فاتت فى التلفزيون وأقر كلام كتير عن الشأن العام فى مصر، ولكن هناك فرق بين التنظير وحل المسألة، واللى إحنا فيه دا حل المسألة.

واللى قبلنا ما حلوش المسألة ليه؟.. عشان كدا لما أتكلم فى قضايا زى إعادة صياغة الدعم الناس بتندهش.. وبتقولى ما أنت ماشى كويس والناس بتحبك! .. بتعمل كدا ليه؟”.

مشروعات التنمية المختلفة

وأضاف :”إحنا بنعمل كدا عشان نغير بلدنا مش عشان الناس تحبنا، وبنعمل اللى يرضى ربنا، ونتصدى لقضايا كل الناس لا تتصدى لها.. ومفيش حاجة اسمها ماليش دعوة.. وعشان نقدر نكمل الموضوع كويس لازم نعيد ترتيب وصياغه دعمنا للناس”.

استكمل: “دعمنا فى السنة 275 مليار جنيه، يعنى فى 10 سنوات، 2 تريليون وثلاثة أرباع التريليون، وربما يصل الرقم لـ 3 تريليون جنيه.

طيب تطوير الريف المصري من صرف صحي وكهرباء وتبيطن ترع وصحة تعليم تصل لـ 700 و 800 مليار جنيه في 3 سنوات.

إحنا لما تولينا المسئولية كان يوجد 12% فقط من الصرف الصحى في الريف، وخلال الـ 7 سنوات الماضية وصلنا لتنفيذ 40%”.

رغيف العيش والدعم

وتحدث الرئيس عبد الفتاح السيسي، عن سعر رغيف العيش، قائلا: “الناس استغربت لما اتكلمت في رغيف العيش.. خلال الـ 50 سنة اللى فاتوا اتعملت منظومات كتير.. كانت مرتبة على ظروف وأوضاع موجودة في الوقت ده.. الظروف ده مش ممكن نستمر أو نقبل أنها تستمر كده على طول”.

وأضاف الرئيس السيسي: “هديكم مثال.. رغيف العيش لما زاد من قرشين إلى 5 قروش كان بيتكلف 18 قرشا.. ولما بقى 5 صاغ دلوقتى بيكلف 65 قرشا.

طب هو دخل الفرد في 2011 كان أقل من 400 و500 جنيه ووصل إلى أكثر من ألفين جنيه وفق الحد الأدنى للمرتبات.

وواصل الرئيس السيسي حديثه: “ارتفاع الأسعار يتم مجابته بتحسين أحوال الناس.. مش انفاق بس.. ضبط نمو سكانى..

المبلغ اللى كان بيصرف على 5 مش هينفع على 10 و15.. حجم النمو السكانى اللى زاد كان أكبر من طاقة الانفاق.. وقيمة الجنيه مش زى قيمة الجنيه من 100 سنة”.

السيسي: مش هلغي الدعم بس هنعيد تنظيمه

قال الرئيس عبد الفتاح السيسي، إن تكلفة تطوير الريف المصرى لا تتجاوز ثلث تكلفة الدعم، موضحًا: “الدعم فقط 3 تريليونات جنيه.. وتطوير الريف وتحويله لحاجة تانية.

هياخد ثلث الثمن ده.. أنا مش هلغى الدعم لكن هنعيد تنظيمه، وأنا بتصدى للقضايا زى ما تصديت لغيرها، ولازم أرتب ورق البلد دى عشان تبقى دولة ذات شأن”.

أكد الرئيس عبد الفتاح السيسي، أنه تحدث عن سعر رغيف العيش لأنه يتصدى لقضايا ومشاكل لا يمكن أن تستمر.

وتابع: “اتصدى لقضايا واستفيد من فرص بنعرض فيها حاجات زى كده واتكلم، وأنه حال غير قابل للاستمرار والنجاح للدولة”.

اقرأ أيضاً..بث مباشر.. الرئيس السيسي يشهد افتتاح عددًا من المشروعات السكنية المتنوعة بمدينة بدر