باسم يوسف يعلق على مقارنته بمحمد صلاح: “اللي بيتفرج من بعيد سهل يزايد”
كتبت-لميس ناصر
دافع الإعلامي الساخر باسم يوسف، عن محمد صلاح لاعب ليفربول، فيما يتعرَّض له من هجوم بسبب تأخره في التعبير عن رفضه عمَّا يحدث في غزة من اعتداءات للاحتلال الإسرائيلي.
استنكار الهجوم على صلاح
واستنكر الهجوم على صلاح قائلاً: “انتم مش عارفين الدنيا في العالم برة كانت مشحونة قد ايه صورة تانية خااااالص غير اللي واصلة للعالم العربي..انتم مش عارفين في انجلترا الصورة مشحونة احترمت امريكا، محمد صلاح لو كان طلع وقال الرسالة اللي في الفيديو اللي مش عاجب ده كان زمانه اندبح”
وأعاد نشر صورته مع صلاح معلقاً: “انا شفت الصورة دي في كذا صفحة مع تعليق : محمد صلاح متصور مع فخر العرب. ده غير بوستات تانية كتيرة جدا يا اما بتقارن لقائي مع الفيديو بتاعه او بتقلل و تهمش و تتريق على فيديو صلاح”.
مقارنة
واكمل مدافعاً عن صلاح قائلاً: “مقارنة فيديو صلاح باللقاء بتاعي هو ظلم بين. لأن الكلام مش شغلة صلاح . و لأن طلاقة اللغة مش شغلة صلاح لا صلاح حيعرف يتكلم و يحاور زيي و لا انا اقدر العب كورة زي صلاح”.
الأعمال الخيرية
وأختتم بإشادة أفعال محمد صلاح من إلهام الاجيال الكثيرة، والأعمال الخيرية التي شارك بها طيلة مسيرته، وطالب الجمهور بعدم زيادة الضغط على صلاح.
نرشح لك: بكم تبرع محمد صلاح لضحايا غزة؟.. مبلغ ضخم
