تعرف على مواصفات فتى أحلام “نيرمين الفقى”
قالت الفنانة نرمين الفقى، إنها على استعداد تام للزواج من أى شخص، ولكن هناك شروطاً، منها “التواضع، والأخلاق، ويكون إنسانًا طبيعيًا وحبوب”.
وأضافت خلال حوارها ببرنامج “صاحبة السعادة” المذاع على قناة “دى ام سى” تقديم الفنانة الكبيرة إسعاد يونس، أنها تريد الارتباط بشخص تحبه حتى تستطيع استكمال الحياة معه.
وأشارت إلى أنها ستواجه مشكلة بعد الزواج، قائلة: أنا مش بحب أنام جنب حد من أيام ماما بس مش عارفه لما اتجوز هعمل ايه.
وردّت على سؤال صاحبة السعادة: ممكن تتجوزى راجل بيشخَّر؛ فردت: “وإيه المشكلة كل الرجاله بتشخَّر”.
قالت الفنانة نيرمين الفقى، إنها فتحت المجال لعدة أشخاص للقبول بالزواج من أحدهم، ولكنها فوجئت أنهم جميعًا وصوليون ماديون، لافتة إلى أن الفتاة كلما كبرت فى السن كلما كانت أكثر عقلانية وقدرة على النظر للأمور بشكل أفضل وبالتالى النجاح فى اختيار الرجل المناسب أو عدم الزواج.
تابعت:” كنت مرتبطة بأخوالى وكنت أتمنى الارتباط برجل يشبههم فى الصفات، لأنهم كانوا أكثر قربًا وكانوا فى مقام والدى، وكانوا يتسمون بالثقافة والأخلاق.. وفى الأول كنت جبانة وكنت بقول للعرسان اللى بيتقدموا لى هاتوا أهلكوا، قبل ما أحد أخوالى قالى قبل ما تجبيه اعرفيه الأول وشوفيه مناسب ليكى ولا لأ”.
وأردفت: “اتقدملى عريس لخالى وهو بيقول إنه بيشتغل مهندس معمارى وجايب له شهادات أنه مهندس مدنى والشهادات طلعت مضروبة، وطلع فى الآخر شغال فى المقاولات، وللأسف فيه ناس بتزور علشان كدا لازم الأهل يسألوا عن أى عريس”.
وأكملت: “لم يصادف أن قابلت رجلًا أتمنى الزواج منه، ولو لقيت الراجل اللى اتقبله ويقبلنى مش هسيبه، والأهم الأخلاقيات بالنسبة لى”، مشددة على أنها لا تود الزواج من الرجل البخيل، أو المتسلط أو الكذاب، أو ابن ماما.
إقرأ أيضا:
