حمو بيكا يوجه رسالة للمتنمرين عليه: “ربنا ما يجعل عندكم أي مرض ويديكم على قد نيتكم”

كتبت: دنيا عبدالله

كشف مطرب المهرجانات الشعبية حمو بيكا عن تطورات حالته الصحية، بعد دخوله المستشفى منذ أيام، حيث يعاني من مرض مناعي نادر يطلق عليه «كرونز أو داء كرون»، وهو مرض متعلق بالأمعاء وتظهر أعراضه مع حالات الزعل والحزن.

كما كتب «بيكا»، عبر صفحته الرسمية على موقع «فيسبوك»: «أنا بجد حابب أشكركم على دعواتكم ليا في مرضي ووقفتكم معايا دي، بجد أنا بحبكم جدا من كل قلبي، أنا بيكم مكمل وهكمل لآخر نفس فيا»، مضيفا: «أنا الحمد لله بقيت أحسن بكتير، وأدعولي ربنا يفكها عليا وأقدر أسعدكم كمان وكمان، دمتم سند وضهر ليا».

وبشأن المتنمرين عليه، قال: «حابب أوجه رسالة للناس اللي مش بتحبني وكانت شمتانة وبتتنمر عليا، أنا برضه بحبكم وهفضل شايلكم على دماغي من فوق، وربنا ما يجعل عندكم أي مرض وأي حاجة وحشة أبداً ويديكم على قد نيتكم وقلبكم يا رب ويديكم كل الرزق، بحبكم كلكم».

تفاصيل التنمر على حمو بيكا

كانت البداية عندما قام مسؤولو صفحة حمو بيكا، بنشر صورة له وهو ممتد على سرير بأحد مستفشيات القاهرة، طالبا الدعاء له.

وانتاب حمو بيكا حالة من التنمر عقب انتشار صورته ممتدا على سرير بأحد المستفشيات بالقاهرة، ساخرين من انتفاخ بطنه.

تعليق حمو بيكا على مرضه وانتفاخ بطنه

قال مطرب المهرجانات، إن حالته الصحية الآن تتحسن، كما أن المرض النادر المُصاب به يعاني منه منذ 7 سنوات: «أنا طلعت كتير اتكلم على المرض، بس محدش متخيل أن المرض ده يؤذي البنى آدم قد إيه؟».

كما أضاف بيكا: الحقنة بتاعته الواحدة بـ130 ألف جنيه، قبل كده لما كنت شغال والدنيا كويسة معايا كنت بجبها عشان ربنا كان مسهلي حالي، بس أنا واقف من الشغل وحالنا واقف، أجيب منين»، وكان ذلك خلال مداخلة هاتفية في برنامج «تفاعكلم»، الذي يُعرض على قناة «العربية».

كذلك تابع: «فيه ناس فاتحة بيوت من وراء مني، ربنا اللي عاوزه هيكون، بس أنا مش بتأذي لوحدي، فيه كمية ناس ورا مني بياكلوا عيش وفاتحين بيوت، لا أنا عاوز حد يبكي ولا يتعاطف معايا، بس أنا فعلا عملت مشروع مطعم، كل فلوسي اتحطت فيه وخسرت، مش بقول لحد يتعاطف معايا، بقول للناس أنتم بس بتشوفوا المظاهر لكن مش بتعاشر البني آدم وتعرف إيه إللي جوه منه، الناس واخده بالمظاهر وإننا معانا ملايين ومليارات».

واستكمل حديثه: «الناس فاكرين اليوتيوب بيدخل ملايين، وده غلط، وبعدين فيه ناس تنمروا على شكل بطني، ما هو فعلا كل جسمي بيخس إلا بطني، لأن المشكلة كلها في بطني».

وأوضح حمو بيكا أنه لم يقرر اعتزال الغناء: «النقابة منعاني إني أغني، فالواحد يفكر يروح يغني في أي دولة ثانية، عملت أكبر حفلاتي في السعودية وعندي حفلات في أمريكا، ودروس الصوت إللي هاني شاكر بيقولي عليها دي محدش بياخدها غيري ولا إيه؟ كل ما آجي اقوله عاوز أغني يقولي خد دروس صوت».

وواصل: «أنا بطلب أكبر لجنة تنزل تحكم ما بينا وبين الناس بتعرف تغني، هل كل إللي خدوا الكارنيهات جابوا ناس دربتهم على الصوت؟، فيه ناس لا تصلح للغناء بس عندها جمهور، ربنا إللي يحلها، مفيش غير ربنا هو إللي يحلنا».

اقرأ أيضاً..حمو بيكا يُثير الجدل بعد تحديه لنقابة المهن الموسيقية