كتبت: أمل سعداوي
آثار مطرب المهرجانات الشعبية حمو بيكا، حالة من الجدل بعد تحديه لنقابة المهن الموسيقية. مؤكدًا تعرضه لظلم بسبب منعه من الغناء في مصر.
وقال حمو بيكا، خلال بث مباشر عبر حسابه بموقع «إنستجرام»: «أنا مظلوم بقالي سنين، وفيه ظلم في النقابة وافترى، وأنا هكشف كل ظالم، وهجيب حقي بالقانون، ومش عايز أغني تاني ولا أمسك الميكروفون في البلد دي تاني، أهم حاجة أجيب حقي».
تابع «بيكا»: «قالوا في النقابة إن فيه ناس قدمت ورق مزوَّر، وناس تاني مسجلة، وبعدين أخدوا الكارنيهات، وأنا بقولك: حسبي الله ونعم الوكيل، دمرت مستقبلي، ومستقبل اللي معايا، وأنا هوريكوا معايا ناس قد إيه بتاكل عيش من ورايا، وكل ظالم له يوم، وبإذن الله هشوف فيك يوم».
استكمل مطرب المهرجانات حديثه:« أنتوا مش عارفين أنا عايش إزاي، ومش بنام ولا يوم، أنا تعبت وشقيت ونجحت بالجمهور، وطول ما أنا مظلوم؛ حقي إن شاء الله هيجي».
وكان حمو بيكا، قد آثار حالة من الجدل، خلال الأيام القليلة الماضية، حيث رد على الفنانة شمس بعد تعرضه للإساءة منها في أحد البرامج التلفزيونية، عندما قالت إنه لا يمتلك أي موهبة ولا منظر جيد ولا أخلاق للعمل كـ فنان.
ورد بيكا، عبر حسابه الرسمي على فيسبوك، قائلاً، إنه يحب شمس ولم يسئ إليها من قبل، ويحترمها من كل قلبه، وأن ما حدث بينهما هو سوء تفاهم.
