«استعد لكتابة كده رضا2».. أحمد فهمي يتصدر التريند بعد تصريحاته أمس
كتبت: أمل سعداوي
تصدر الفنان أحمد فهمي تريند جوجل خلال الساعات الماضية بعد استضافته ببرنامج «مساء dmc» مع الإعلامية إيمان الحصرى، والحديث عن مسلسلات رمضان 2023، وعن أعماله القادمة، وأيضًا عن بعض الأمور التي تتعلق بعودته والعمل مع الثنائي شيكة وماجد هشام.
فيلم كده رضا الجزء الثاني
وكشف أحمد فهمي، عن تجهيزه لكتابة الجزء الثاني من فيلم «كده رضا» بطولة الفنان أحمد حلمي وذلك بعد أن حقق الجزء الأول والذي كان من كتابته نجاحًا كبيرًا أثناء عرضه في العام 2007.
وقال أحمد فهمي:«أحمد حلمى كلمنى عشان نعمل كده رضا 2، ودا قبل سره الباتع والسفاح ومستر إكس، فقولتله هيبقى صعب هات حد مكانى، قالى لا خلص اللى عندك وأنا بعمل فيلم، ونعمله، لأنه حقق نجاح كبير وكان فتحة خير عليا»
وأضاف:«فيلم كده رضا هى تجربتي الأولى فى الكتابة السينمائية، و بدأ الكتابة من خلال مشروع فيديوهات مع شيكو وهشام ماجد، وكنت بألف أنا وهشام الفيديوهات، بس من غير ما نعرف التكنيك الخاص بكتابة اسكربتات كاملة، و بعدها قدمنا فيلم «رجال لا يعرف المستحيل» وأعجب حلمي بالفيديوهات وطلب العمل معنا»
أشار أحمد فهمني إلى أن فترة كتابة فيلم «كده رضا» كان يعاني من قلة العمل، وأثناء حديثه مع عمرو سلامة نصحه باستكمال عمله في الكتابة لكسب المال: «عمرو سلامة أول حد علمني ازاي اكتب اسكريبت، وكان بيوريني اسكربتات مكتوبة، عشان أعرف أعمل زيها، وفكرة كده رضا عملتها أنا وعمرو وبعدين أنا كتبتها»
تابع: «لما حلمي طلب يشتغل معايا، قولتله أنا بالفعل عندى فيلم مكتوب، وبعتلوا الاسكربت وعجبه جدا، وقالي نتقابل، واشتغلنا على الاسكربت سنة ونصف قبل تنفيذ العمل»
مسلسلات رمضان 2023
قال أحمد فهمي إن بعض مسلسلات رمضان 2023 حققت نجاحًا زائفًا. مٌشيرًا إلى أن كل فنان لديه فريق من السوشيال ميديا يروج بأن مسلسله رقم واحد.
وأوضح أحمد فهمي، أن يمتلك فريقًا من السوشيال ميديا لكنه لن يزيف الحقائق أبدًا، مُضيفًا:«ممكن أبقى ناجح، بس مش شرط كل سنة أبقى رقم واحد»
وأضاف الفنان:«كل حاجة بقت مزيفة، وحتى اللي بينجح في رمضان بتوع الترندات، السوشيال ميديا حولت كل حاجة لحاجات غير ملموسة وفيك وغير حقيقية، وبقت كلها تدليس، ما تقول الحقيقة إنك مش رقم واحد، ممكن تبقى رقم 4 وناجح»
مسلسل سره الباتع
وفيما يتعلق بمسلسل سره الباته، قال أحمد فهمي:« سره الباتع لما اتعرض عليا كان عندي مسلسل تاني كوميدي وكنت بحضر لحلقاته، لحد مكلمنى تامر مرسي وقالي على رواية سره الباتع وحاولت آجل التعاقد التاني»
أوضح الفنان أن المسلسل تعرض لهجوم مبالغ فيه، رغم وجود أعمالًا أخرى لم تنجح ولكنها لم تتعرض لهذا القدر من الهجوم الذي كان عدائيًا. مُضيفًا:«سره الباتع كانت سياسي تاريخي وتجربة جديدة واتعلمت منها كتير، وحابب أجرب حاجات كتير عن الكوميدي»
علاقته بشكية وماجد
أكد أحمد فهمي، عن وجود نية للعودة والعمل مع الثنائي شيكة وماجد هشام لكن ما يعيق الموضوع هو الوقت فقط:«النية نفسها في عودة العمل مع شيكة وماجد هشام موجودة لكن المشكلة في الوقت، وتجربة الانفصال ليها مميزات عن واحنا مع بعض وأخدت مننا مجهود طبعا»
فيلم العارف
قال أحمد فهمي:«فيلم العارف كانت تجربة مختلفة، لكن ناس كثير خوفتنى من الخطوة دى، وإني بجيب أرقام كويسة، وليه تشتغل في فيلم مع فنان تاني، لكن أنا قولتلهم إن الخطوة دي هتخرجني من العباءة بتاعت الكوميدي خروج آمن، لإني كنت بخاف أخد خطوة إني أعمل حاجة جد أو أكشن لوحدي، لأن الجمهور هيقطع تذكرة عشان يضحك هيدخل يلاقي حاجة تانية خالص»
أضاف الفنان:«حتى لو الفيلم حلو بس كان هيبقى فيها خطورة، دا السبب اللي فكروا فيا لسره الباتع والسفاح اللي هيتعرض بعد العيد، ونوعية سره الباتع جديدة ومختلفة مكنش ممكن أعملها، وأي تجربة بتعلم منها»
أخر أعمال أحمد فهمي
الجدير بالذكر أن آخر أعمال أحمد فهمي هو مسلسل «سره الباتع» والذي عرض في رمضان 2023 وشارك فى بطولته نخبة كبيرة من النجوم، أبرزهم: أحمد السعدني، حنان مطاوع، ريم مصطفى، حسين فهمي، نجلاء بدر، عمرو عبد الجليل، صلاح عبد الله، هالة صدقى، أحمد عبد العزيز أحمد وفيق، منه فضالي، أحمد عبد العزيز، محمود قابيل، عايدة رياض، خالد سرحان، مصطفى درويش، علاء حسني، ناهد رشدي وغيرهم.
إقرأ أيضًا.. نادية الجندي تتصدر التريند بعد إعتذار محمد مختار لها.. والأخير «ياريتني ما إتجوزتها من الأول»
