السيسيى : إنتاج مليون طن قمح يوفر 400 مليون دولار
افتتح موسم حصاد القمح في شرق العوينات و مصنع للبطاطس
كتبت: أمل سعداوي
افتتح الرئيس عبد الفتاح السيسي اليوم الأحد موسم حصاد القمح في شرق العوينات وأيضًا مصنع البطاطس.
وقال الرئيس السيسي، إن الدولة المصرية تهتم بالتصنيع الزراعي وفقًا لأحدث الأبحاث والدراسات: «بقول الكلام ده ليه.. دايما بنقول عناوين.. عاوزين نهتم بالتصنيع الزراعي.. مشوار الوصول لإنتاج تصنيع زراعي.. مش بيتعمل كده.. لازم دراسات وأبحاث، وتتأكد أن المنتج يلبي طلبات السوق عندك طبقا للمعايير المستخدمة»
وأضاف الرئيس السيسي:«زي موضوع التصنيع الزراعي في افتتاح مصنع البطاطس النهارده.. المصنع اتعمل جنب الأرض اللى بتطلع المنتجات.. بيتعمل جنب منها مصنع.. بدل النقل إلى مصنع أخري لمسافة تصل إلى 700 – 800 كيلو.. وبدل النقل بعربيات.. وقد يتعرض جزء من المنتجات الزراعية للتلف أو الهدر.. عملنا مصنع يطلع منتجات وكمان هيعمل “نشا”.. ما فيش فضلات مضرة للبيئة، وكل حاجة يتم استخدامها.. والنقل يكون اقتصادي.. أقصي حاجة ممكن تتعمل في التصنيع الزراعي»
جذب المستثمرين
أكد الرئيس السيسي أن الدولة المصرية تسعي لجذب المستثمرين في المناطق الزراعية الجديدة، مُضيفًا: «إزاي نعمل ونجذب مستثمرين للمشروعات دي، وعلشان الكثافة السكانية تستفيد من الشغل اللى موجود ده، عملنا المشوار الأصعب.. بقينا قادرين على توفير فرص عمل لمليون فدان.. من خلال التصنيع الزراعي.. وأتصور العدد يزيد أكثر من كده»
أضاف:«بنتكلم على مليون طن قمح.. مليون طن قمح يساوي كام.. ومعمولين بنظم ري حديثة.. حجم المياه هو الحجم الأمثل في الري.. وبالتالي إنتاج تكلفة اقتصادية.. لابد من الاستفادة من كل نقطة مياه.. الفرصة البديلة»
تابع:«الفرصة البديلة للمليون طن دول يعني سعرهم 350 – 400 مليون دولار طبقا لأسعار القمح.. إحنا بندفع التمن لو حصل مشكلة في سلاسل الإمداد.. بشكركم وسعيد أوي بهذا الإنجاز خلال 3 سنوات.. وصلنا للحد الأقصى في توشكي وشرق العوينات.. يتبقي جزء في غرب شرق العوينات»
ووجه الرئيس السيسي، حديثه لرئيس مجلس إدارة الشركة الوطنية لاستصلاح وزراعة الأراضي الصحراوية، ورئيس الوزراء ووزير الزراعة قائلًا:«محتاجين نتأكد إن أولا بالنسبة لشرق العوينات أن مخزون المياه الجوفية المستخدم في الري، سواء في المنطقة الزراعية أو المستثمرين يتم التعامل معها طبقا للمعايير التي تحافظ على هذا المخزون لأكبر فترة ممكنة، وأنا بتكلم هنا على استخدام المياه بشكل رشيد جدا دون هدر في الزراعة»
وأكمل الرئيس السيسي:«نفس الكلام ينطبق على منطقة توشكى، محطة المياه المعمولة هناك من سنة 1986 معمولة علشان تطلع حجم معين من المياه، إحنا محتاجين إن هذا الحجم يتم الاستفادة القصوى منه في الزراعة، وبالتالي نظم الري الحديثة في كل الزراعات يكون بيتم العمل بيها»
الاستثمار الزراعي
وجه الرئيس عبدالفتاح السيسي، الدعوة إلى القطاع الخاص ورجال الأعمال والمستثمرين المهتمين بالاستثمار الزراعي للمشاركة في المشروعات الزراعية بتوشكى وشرق العوينات «رجال الأعمال والمستثمرين المهتمين لديهم الفرصة.. المشوار الكبير والصعب إحنا خلناه دلوقتي بقا متاح لكن بشروط»
أضاف الرئيس السيسي:«الشروط هى الحفاظ على حجم الأراضى بالدورة الزراعية التي تخدم على المحاصيل الاستراتيجية هنحترمها علشان ميبقاش النهارده 750 ألف فدان يتزرعوا بـ 20 أو 30 محصول خلال الموسم لا، إحنا بنتكلم في حاجات محددة للاستفادة منها بالسوق المصري أو كمنتج استراتيجي قمح مثلا، وكلما نقلل في الفجوة كلما نقلل من استخدام المحصول الاستراتيجية المهم»
وتابع الرئيس: «كانت الإجراءات مش قادرة تنجح الفكرة وجه مستثمر وقال هنجحها.. بهنيكم على ده وكملوا لأنها فرصة عمل كويسة لشبابنا في أسيوط خاصة أنها لم تكن تدخل الخدمة»
إقرأ أيضًا.. نص كلمة الرئيس السيسي في الجلسة الافتتاحية لجلسات الحوار الوطني
