كتبت دنيا عبدالله
نشر وائل عبد العزيز، شقيق الفنانة ياسمين عبد العزيز، فيديو على موقع التواصل الاجتماعي «فيسبوك»، يوضح فيه سبب هجومه على شقيقته بسبب علاقتها بالفنان أحمد العوضي.
وأوضح وائل عبد العزيز، أن هناك برامج عديدة عرضت عليه الظهور بمبالغ كبيرة، لكنه رفض احتراما لها.
وأضاف عبد العزيز، مواقف مساندته لشقيقته، وقال: «ياسمين وقفت معي فى مشاكل من وأنا عندي 15 سنة وكنت لوحدي ومع ذلك قولتلها أنا معاكى للآخر .. ومظنش إنى بعتها قبل كده» .
وتابع قائلا: «فى مشكلة طلاق ياسمين أنا وقفت معاها بكل ما أملك ورأيى كان معاها وكنت بقولها أنا فى ضهرك وطالما دة لمصلحتك أنا معاكي» .
صورة ياسمين عبد العزيز مع أحمد العوضي
واستكمل وائل عبد العزيز: «بعد طلاق ياسمين كنا زى الفل حتى عيد ميلادها، نزل صور بينها وبين شخص، والصور ضايقتنى فكلمتها يا ياسمين من امتى بنعمل أعياد ميلاد بالشكل ده .. مش طريقتك».
ردت ياسمين قائلة: «محدش ليه دعوة بيا أنا مش صغيرة بس أنا كنت خايف على شكلها .. حاولت أتكلم معاها ولكنها رفضت واتعملي بلوكات معاها وحصل قفش مش لطيف» .
واستكمل وائل كلامه : «طلعت إشاعة إنهم متجوزين فى السر فبقيت عايز أفهم اللى بيحصل .. وبعد طلاقها جت قالت أنا لو اتجوزت حد يزعل، رديت أنا هكون مبسوط بيكى بس اختارى صح» .
وأوضح وائل سبب كلمات الهجوم على شقيقته والفنان أحمد العوضى، قائلاً: «بعد البوست كان طلبي محتاج رد من الأستاذ أن لو العلاقة دى حقيقة تعالى خبط باب البيت لرجالتها واتكلم فى اللى أنت عايزه، بس بدل ما ياخد كلامي ويثبت حسن النية ابتدى يشوه سمعتى وإنى باخد فلوس من ياسمين» .
وأضاف وائل: «أنا كل اللى كنت عايز أعرفه العلاقة دى رايحة لفين .. والله العظيم أنا عايش فى بيت إيجار وراكب عربية على قدى وراضى جدا بده، وعشان اشتغلت شغلانة تانية وجت فلوس منها فقررت أغير عربيتى» .
وتابع في الفيديو: «رسالتي للى هاجموني على السوشيال ميديا، أنا لو بدور على الشهرة كنت استغليت اسم أختى وشهرتها ومعارفها من زمان، وكل الميديا تعلم ذلك، أنا رفضت الظهور في برامج بملايين ورفضت مداخلة مع وائل الإبراشي» .
وأوضح وائل «أنا كنت خايف على شغلها، وحاولت أتكلم معاها مرة واتنين رفضت كلامى جدًا، أخوها الكبير عمل نفس الموضوع أترفض رفضا باتا واتقال له نفس الكلام واتعمل بلوكات معاها».
واختتم الرسالة إلى شقيقته، وقال: ࡾيا ياسمين ربنا يوفقك وينجحك فى حياتك .. أنا آسف إنى اتكلمت بشكل يضايق بس كل اللى كنت عايزه أعرفه طبيعة العلاقة .. وكنت شايفك تحت وربنا فوق بس من النهاردة اعتبريني بره حياتك وانتى حرة فى حياتك ومستقبلك».
ماذا كشفت طليقة شقيق ياسمين عبد العزيز؟
وكشفت مى أبو ربيع، طليقة الممثل وائل عبد العزيز، شقيق النجمة ياسمين عبد العزيز، بعض الأمور الخاصة بعلاقتها مع طليقها خاصة بعد الجدل الكبير .
ونشرت طليقة شقيقها، على حسابها بموقع التواصل الاجتماعي فيس بوك، «أنا طليقة وائل عبد العزيز.. أولا وائل مش بيصرف على ابنه من يوم ما أتولد وأنا انفصلت منه وابني عنده 5 شهور ولحد دلوقتي ولا بيصرف عليه ولا حد من أهله بيصرف علي ابني غيري.. ابني عنده دلوقتي 11 سنة».
وأضافت «مؤخرًا بس من 3 سنين ياسمين قالتلي أنا متكفلة بمصاريف الدراسة دفعت سنتين ومش المصاريف كاملة كمان، وبعد كده قالتلي أنا ظروفي ماتسمحش ادفع مصاريف تاني.. قلتلها انتي اللي عرضتي تدفعي قالتلي (ورجعت في كلامي في مشكلة!) ده الموضوع باختصار.. وياريت محدش يجيب سيره ابني لو سمحتوا.. وحقي وحق ابني حاخده بالقانون».
