كتبت: دنيا عبدالله
تصدرت الفنانة حورية فرغلي، محرك البحث «جوجل»، بعد حلولها ضيفة مع الإعلامية آسما إبراهيم في برنامج حبر سري على شاشة القاهرة والناس، وتحدثت خلال اللقاء عن بعض الجوانب في حياتها الشخصية. فضلاً عن الحب في حياتها.
أبرز تصريحات حورية فرغلي
قالت الفنانة حورية فرغلي، خلال لقائها، عندي في البيت بنت وولد من العالم الآخر، وبشوفهم على طول وبيهزروا معايا كتير، وبيخبطوا على الباب، وبيفتحوا الباب وبيعملوا حاجات كده.
وأضافت فرغلي: دايما بشوف البنت قاعدة على السفرة، وشعرها زي شعري كده كاريه، وهي صغيرة كده والولد لابس شورت وفانلة، وتقريبا هما الاتنين في نفس السن، وصغيرين بس شكلهم لطيف جدا، وكيوت كده شعرهم أسود وشبهنا كده.
وحكت الفنانة، بعض الأشياء الغريبة التي كانت تراها، قائلة: في فترة من الفترات كنت بسمع وأنا في السرير صوت، كأن حد بيتنفس بصوت عالي في كذا يوم وأول يوم قولت بيتهيألي، وبعد كده قولت لا فتحت الشباك لقيت بومتين بيض واقفين عند الشباك، وأنا في الزمالك ومعرفش جم منين دول بس بقالهم فترة مش بييجوا.
حورية فرغلي تكشف سبب خلافها مع مصطفى شعبان
كذلك كشفت الفنانة، عن سبب خلافها مع النجم مصطفى شعبان بعد مسلسل “دكتور أمراض نسا”، قائلة: “لما مضيت المسلسل كان اسمه (أمراض نسا)، سافرت ورجعت فوجئت لقيت المسلسل بقى (دكتور أمراض نسا)، واتنسب له وأنا مش محطوطة على الأفيش، وده كان سبب خناقة بينا”.
وأضافت، إنها ذهبت لمناسك الحج أكثر من مرة، وكانت تقابل مصطفى شعبان هناك، ولم يتبادلا السلام بسبب الخلاف، مضيفة: “كنت كل مرة بحج وبشوفه ومكناش بنسلم على بعض كذا سنة”.
وتابعت: “مصطفى شعبان كان عضو في لجنة تحكيم في المعهد الكاثوليكي، واداني جائزة أحسن ممثلة عن فيلم (طلق صناعي)، وبعدها اتصالحنا، وأنا بتصالح بسرعة قوي ولا أتحمل الكره”.
معاناة حورية فرغلي بسبب السوشيال ميديا
كما أكدت الفنانة حورية فرغلي، معاناتها نفسيا من التعليقات المتنمرة عليها على السوشيال ميديا، قائلا: “كان كلام الناس بيفرق معايا على السوشيال ميديا وبعدين مبقاش بيهمني”.
وأضافت الفنانة، أنها بعد آخر عملية عملتها لم تعد تهتم بالسوشيال ميديا، متابعة: “كلام الناس كان بيضايقني وتريقه على شكلي ودمرني نفسيا وقعدت سنتين مش ببص لنفسي في المرايا بسبب السوشيال ميديا وكل اللب كانوا قريبين مني بعدوا”.
اقرأ أيضاً.. حورية فرغلي أحدث الأخبار الفنية والصحية للفنانة المتألقة
