مرتضي منصور: «اللي بيحصل في رمضان ده مسخرة وقلة أدب»
كتبت: أمل سعداوي
آثار مرتضى منصور رئيس نادي الزمالك، جدلًا واسعًا بعد التصريحات التي أدلى بها في المؤتمر الصحفي الذي أقيم في مقر القلعة البيضاء في ميت عقبة، والتي كان أبرزها حديثه عن الخطيب وعن الفترة التي قضاها خلال مدة حبسه في السجن.
و قضى مرتضى منصور شهرًا في السجن، لسبه محمود الخطيب، قبل أن يتم الإفراج عنه يوم الأحد الماضي.
وفي السطور التالية يرصد موقع «عالم البيزنس» تصريحات مرتضى منصور في المؤتمر الصحفي والتي جاءت كالآتي:
-لن أتقدم ببلاغ ضد محمود الخطيب رئيس النادي الأهلي.. أنا قدمت بلاغ لربنا ضدة، وكمان سامحته عشان أنا أفضل منه.
-أنا دخلت السجن أسد وخرجت أسد.
-السنة دي اتحبست في وقت الزمالك كان محتاج في بطولة دوري أبطال إفريقيا، ولو كنت موجود كنت حمِّست اللعيبة وقعدت معاها.
-خرجت من كل الأزمات مرفوع الرأس من أجل جماهير نادي الزمالك.
-تم حبسي رغم أنني تبرعب لنادي الزمالك بمبلغ 30 مليون جنيه.
-يا خطيب سحبت بلاغي، لأن أنا أكرم منك، وطالبت بأن يكون خروجي في النهار كي يكون أمام الجميع.
-الجماهير اللي لبست أسود في مباراة الزمالك والمريخ مش هتشوفو وشهم تاني في المدرجات، والمشجع اللي مش هيلبس فانلة الزمالك البيضاء مش هيدخل المدرج.
-كانوا عاوزني أقول إن زعل الخطيب على رأسي، ده لو رأسي اتقطعت مش هقولها، ولو كنت قدمت الاعتذار المهين للخطيب، كان جمهور الزمالك هيمشي رأسه في الأرض 100 سنة.
-فيريرا أدى واجبه وبشكره.. لكن خلاص الأمور كانت وصلت لمرحلة كان لازم يمشي، فيما أردف: غيابي أثر على الفريق.. والترجي وشباب بلوزداد فازوا على الزمالك وأنا في السجن.
-هو رمضان بدأ؟.. اللي شايفه في التليفزيون ده مش رمضان دي مسخرة وقلة أدب، واللي بيحصل على الشاشات ده في كل القنوات مسخرة.. أنا مش مصدق إن رمضان بدأ.
-أنا جاي من العمرة.. فاكرِّني كنت في السجن؟.. أنا كنت في نعمة من ربنا وبحط رأسي على المخدة أنام واللي ظلموني مش عارفين يناموا دلوقتي.
-أولادي أحمد وأمير وأميرة يتعرضون إلى السب يوميًا، برغم أنهم يعملون في نادي الزمالك تطوعًا.
-فين حقي من السب الذي أتعرض له أنا وأولادي، ولا عشان الخطيب معاه أولتراس بيخوف!.
إقرأ أيضًا.. وزارة الشباب ترد على المطالبات بعزل مرتضى منصور من رئاسة الزمالك
