كتبت: تقى أيمن
قال الرئيس عبدالفتاح السيسي، إن الدولة تواجه مشكلة في تحقيق التوازن بين النمو السكاني والنمو الاقتصادي، متابعا: «إحنا عندنا عجز متراكم على مدار 50 سنة، يعني محتاج تضاعف عدد المستشفيات.. والأطباء اللي بيسبونا عشان المراتبات.. هو أنا مش عايز أديله مرتب كويس ولا مش قادر لأ الدولة اللي مش قادرة».
أضاف الرئيس السيسي، خلال كلمته في إطلاق استراتيجية تنمية الأسرة المصرية، «قوائم الانتظار في مصر مش هتخلص وهتزيد، الفكرة إن إحنا مش عايشين جوا بلدنا بس إحنا كمان بنتأثر من اللي بيحصل حوالينا».
وأكد الرئيس، إن الدولة تريد منح الأطباء رواتب مجزية، لكنها لا تستطيع ذلك في القوت الحالي.
وأضاف: «المرتبات في مصر منخفضة.. لو عليا عايز أدي المواطن 30 ألف جنيه، بس إزاي؟».
وأشار الرئيس، إلى إن هناك العديد من الأزواج الذين يتلاعبون في نتائج الكشف الطبي، الأمر الذي ينتج عنه ولادة أطفال لديهم مشاكل صحية، قائلًا: «أنت مشارك وسبب في ظلم الطفل اللي جبته وقصرت معاه».
وأضاف السيسي، أن الفحص الطبي قبل الزواج ضروري ولا بد أن تقف الأسرة عليه، للأخذ بالأسباب في علم الدنيا.
إقرأ أيضًا.. الرئيس السيسي: إطلاق استراتيجية تنمية الأسرة المصرية هدفها ارتقاء بجودة حياة المواطنين
