الفنانة شمس تشن هجوماً على حمو بيكا والأخير يرد.. تفاصيل الخلاف

كتبت: دنيا عبدالله

هاجمت الفنانة شمس، مغني المهرجانات حمو بيكا وأجابت عن سبب خلافهما، من خلال برنامج «نص الكلام» المذاع عبر شاشة النهار.

تصريحات شمس المثيرة للجدل

قالت الفنانة: «مين حمو بيكا، وأنا مليش علاقة بيه وما ظنش إنه إسكندراني، أكيد من مكان تاني». مضيفة: «محصلش بيني وبينه حاجة وكل الموضوع إن كانت حاجة شخصية وجعتني لأنه كان بيعمل مسلسل وكان المخرج بتاعه لسة عاملي فيلم وطلبوني في المسلسل ده واعتذرت».

وتابعت: «أنا أول مرة اشتغلت كان مع العظيمة يسرا وأحمد رمزي.. عمرى ما شوفت تواضع زى اللي شوفته معاهم.. بيكا بيقول شمس معرفهاش.. أنا اللي بقالي 25 سنة بمثل عيب عليك».

وأكملت: «أنا لو زعلانة من حد هبتسمله على الأقل والفن له أصول.. وأنت أصلا مش موهوب ولا شكل ولا منظر ولا موهبة وكمان قلة أدب.. عيب.. ودي مش أول مرة وطول ما هو ماشي بيخبط مع الناس».

تعليق حمو بيكا

وعلق حمو بيكا على هجوم الفنانة شمس، وقال: «رداً علي تصريح الفنانة شمس بالإساءة لي في أحد البرامج، أنا عمري في حياتي يا أستاذة شمس ما قولت أنا مش عارفك، بالعكس أنا عارفك وبحبك جداً».

ونفى المطرب حمو بيكا، أى تصريحات منسوبة له قائلاً: «لو وصل لحضرتك أي كلمة منسوبة عني، فأنا من على صفحتي الرسمية، بقول لحضرتك إني عمري ما قولت كدة، أنا بحبك جداً وعارفك وبحترمك.. وشكراً جداً على كلامك عني ..وأنت على دماغي من فوق ولحضرتك كل الاحترام والتقدير».

اقرأ أيضاً..القصة الكاملة لأزمة حمو بيكا وعمر كمال الجديدة